اسلام آباد۔ 29 اگست (اے پی پی) صدر پاکستان ڈاکٹر عارف علوی ءَ گوشت کہ طب ءِ پڑ ءَ علاج گیشتر نادُراھی آں چہ بچگ ءِ دلگوشی بہ بیت، پاکستان ءَ ڈینٹل ایجوکیشن ءَ گہتری ءُپ ڈینٹل سرجنز ءِ واستہ زانشت ءِ پڑ ءَ گیش لھڈ آرگ ءِ ضلورت انت۔ آئی ءَ اے گپ پنچ شمبے ءِ روچ ءَ ادا یونیورسٹی آف ہیلتھ سائنسز ءِ ڈل ءَ گوں تران کنان ءَ کت۔ ڈل ءِ سروکی وائس چانسلر یو ایچ ایس پروفیسر جاوید اکرم ءَ کت۔ اے موہ ءِ سر ءَ صدر ء، مملکت ءَ گوشت کہ پاکستان ءَ ڈینٹل ایجوکیشن ءِ تہ ءَ گہتری آرگ ءِ ضلورت انت۔ آئی ءَ گوشت کہ میاں اوستمانی یونیورسٹی آنی وڑ ءَ پاکستان ءَ ھم اوپن سورس نالج بہ بیت، فری آن لائن کورسز بندات کنگ بہ بیت وھدیکہ ڈینٹل سرجنز آنی واستہ زانشت آنی تہ ءَ گیش لھڈ آرگ ءِ ضلورت انت۔ آئی ءَ گوشت کہ صدر ءِ مملکت 3اکتوبر ءَ لاہور ءَ اولی میاں اوستمانی ڈینٹل کانفرنس ءِ بنگیج ءَ کنت۔ وائس چانسلر یو ایچ ایس ءَ صدر ڈاکٹر عارف علوی ءَ را دسمبر ءَ یو ایچ ایس ءِ جناح کیمپس ءِ بنگیج ءِ دعوات ھم دات۔ ڈل ءَ انٹرنیشنل کمیٹی آف ریڈکراس ءِ نماھندگ لارل کلیگ، ڈاکٹر شہلا اکرم ءُُ ڈاکٹر سارہ غفور ھوار اتنت۔
