اسلام آباد۔ 29 اگست (اے پی پی) مزن وزیر عمران خان ءَ حج ءِ بابت ءَ حکومتی پالیشی، حج ءِ انتظامی ءُُ حاجی آنی گیش آسراتی پجاری ءَ را دل یکیمی کنگ ءِ شور ءُُ مشور آنی منظوری دیان ءَ پنت ءُُ شون دات کہ اے شور ءُُ مشور آناں یک ماھے ءِ توک ءَ کابینہ ءِ دیم ءَ پیش کنگ بہ بیت، روڈ ٹو مکہ پراجیکٹ ءِ آسراتی پاکستان ءِ توامیں حاجی آناں پجاری کنگ ءِ واستہ سعودی حکومت ءَ گوں دستبندی کناں۔ آئی ءَ اے گپ پنچ شمبے ءِ روچ ءَ حج آپریشنز 2019ءِ چار ءُُ تپاسی دیوان ءِ سروکی ءَ کنان ءَ کت۔ دیوان ءَ وزیر ءِ نیک راھی کار پیر نور الحق قادری، مشیربرائے مزن وزیر محمد شہزاد ارباب، سیکرٹری وزارت نیک راھی کار، سیکرٹری درئی کار ایندگر کلانہ ایں اپسرگ ھوار اتنت۔ مزن وزیر ءِ مشیر محمد شہزاد ارباب، آئی ءَ را مزن وزیر ءِ نیمگ ءَ حج ءِ انتظامی آنی نگرانی ءِ واستہ ھاسیں رنگ ءَ نامینگ بوتگ، آئی ءَ مزن وزیر ءَ را حج ءَ چہ پیسر، حج ءِ ساھت ءَ ءُُ حج ءِ پرز ءَ چہ پد حاجی آنی واستہ کتگیں انظامی آنی سر ءَ سرجمیں بریفنگ دات۔ مزن وزیر ءَ را گوشگ بوت کہ سرکاری کوٹہ ءِ سر ءَ حج کنوکیں حاجی آنی واستہ حج ءَ چہ پیسر ءُُ حج ءَ چہ پد کتگیں گامگیج آنی زمہ واری حکومت ءِ پاکستان ءِ حج مشن ءِ نیمگ ءَ وھدیکہ حج ءِ زیارت ءِ ساھت ءَ (منیٰ، عرفات ءُُ مزدلفہ) ءِ انتظامی سعودی کارندہ آنی نیمگ ءَ سرجم کنگ بنت۔ مزن وزیر ءَ گوشت کہ دو لکھ حک کوٹہ ءَ را 1,23,316 سرکاری سکیم وھدیکہ 76,684 جندی کمپنی آنی واستہ بھر ءُُ بانگ کنگ بوتگ۔ حاجی آناں جوانیں میڈیکل ءِ آسراتی پجاری ءِ واستہ دو مزنیں ہسپتال، یازدھ ڈسپنسری وھدیکہ چاردھ کسانیں ڈسپنسری جوڑ کنگ بوتگ ءُُ حاجی آناں جوانیں طبی آسراتی پجارینگ بوتگ۔ مزن وزیر ءَ اے شور ءُُ مشور آناں منظور کنان ءَ پنت ءُُ شون کت کہ اے شور ءُُ مشور آناں یک ماھے ءِ توک ءَ کابینہ ءِ دیم ءَ پیش کنگ بہ بنت تانکہ ایشاں پکوئیں رنگ دیگ بہ بیت۔ مزن وزیر ءَ گوشت کہ روڈ ٹو مکہ پراجیکٹ ءِ تہ ءَ سعودی حکومت ءِ منت وار آں۔ آئی ءَ گوشت کہ آ پاکستان ءِ توامیں حاجی آناں اے آسرا تی ءِ پجاری ءِ واستہ سعودی حکومت ءَ گوں دست بندی کنت اِنت۔
