اسلام آباد۔ 29 اگست (اے پی پی) بنجاھی وزیر بنی آدمی ھک ڈاکٹر شیریں مزاری ءَ گوں دارالامر ءِ باسک لارڈ قربان حسین آف لٹن ءَ پنچ شمبے ءِ روچ ءَ ادا گند ءُُ نند کت۔ گند ءُُ نند ءَ کشمیر ءِ جیڈھ، پڑ ءِ استیں جاور ھال ءُُ ایندگر کار آنی سر ءَ گپ ءُُ تران کنگ بوت۔ اے موہ ءِ سر ءَ بنجاھی وزیر ڈاکٹر شیریں مزاری ءَ گوشت کہ مقبوضہ کشمیر ءَ بنی آدمی ھک آنی استیں جاور ھال سک باز ھراب اَنت ءُُ زوراکیں بھارتی اُرد بزگیں کشمیری آناں لگت مالی ءِ درور نکش کنگ ءَ انت۔ آئی ءَ گوشت کہ میاں اوستمانی برات کشمیر ءَ بھارتی ظلم ءُُ زوراکی ءِ سر ءَ نوٹس بہ زور ایت۔ اے موہ ءِ سر ءَ لارڈ قربان حسین ءَ گوشت کہ آ کشمیر ءِ جیڈھ ءَ را میاں اوستمانی تک ءَ سہرا کنگ ءِ واستہ برطانیہ ءَ وتی کرد ءَ پیلو کنت انت۔
