اسلام آباد۔ 29 اگست (اے پی پی) بنجائی وزیر ہوابازی غلام سرور خان پارینے کہ پاکستان تحریک انصاف کشمیری تتون یکجہتی نا درشانی کننگ کن راولپنڈی ٹی (پگہ) جمعہ نادے 11بجہ غا ریلی اس کشک، کشمیری تتون یکجہتی نا درشانی کننگ کن بھارت نا برخلاف برانزی مچی کننگک۔ پنچ شنبے نادے آ جاری بیان نار داٹ دا ریلی پی ٹی آئی پبلک سیکرٹریٹ، مال روڈ، راولپنڈی آن کشنگک۔ ریلی ٹی بشخ ہلوک آک کشمیری تا حق اٹی مظاہرہ و بھارتی بیدادی نا ترندی اٹ مذمت ءِ کیرہ۔ اوپارے کہ مقبوضہ کشمیر آ بھارتی کوزہ غیر کانودی ءِ۔ غلام سرور خان پارے کہ مظلوم کشمیریک پاکستان نا کنڈا ہُننگ ءُ، تدوک آ 3ہفتہ غان کشمیر اٹی کرفیو ءِ، ولے جہانی ادارہ نوٹس ہلپننگ ءِ، دا اقوام عالم نا تضاد ءِ۔ اومستی پارے کہ جہانی تنظیمک و ادارہ غاک کشمیر نا معاملہ غا انت اکن چُپ ءُ، نن مظلوم کشمیری تا جہد اٹی اوفتے تون ہم کوپہ مرینہ۔ ریلی ٹی واثق یوم (پی پی 12)، تیمور مسعود (پی پی20)، عمار صدیق (پی پی 19)، حاجی امجد (پی پی 13) و چوہدری افضل ئسک ہم ساڑی مریرہ۔
