اسلام آباد۔ 29 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردو س عاشق اعوان پارینے کہ وزیراعظم عمران خان ملک اٹی زرکاری ءِ مون آ دننگ کن متا ماری کننگ ءِ، زرکار آتے کن کاروبارءِ آسان کننگ انگ ءِ، مچ آ قوم (پگہ) جمعہ نادے یوم یکجہتی کشمیر اڈ ایترہ، لس تعطیل مفک، غٹ دفتر و تعلیمی ادارہ غاک ملوک مریرہ۔ داخیال آتا درشانی ءِ او پنچ شنبے نادے آ بنجائی وزیر بجلی و پٹرولیم عمر ایوب و سلاہکار پٹرولیم ندیم بابر تون اوار پریس کانفرنس اٹی کرے۔ اوپارے کہ وزیراعظم ملک اٹی زرکاری ءِ مون آدننگ کن متاماری کننگ ءِ، زرکار آتے کن کاروبار ءِ آسان کننگ انگ ءِ، وزیراعظم نا پارت آ زرکار آتے کن باقاعدہ روڈ میپ اس جوڑ کننگ انگ ءِ۔ خصوصی کمکار پارے کہ وزیراعظم ملک ءِ سہی سمت آ دننگ ءِ، پارٹی و الس اونا طاقت ءُ، قومی معاملہ غاتے کن الس اودے مینڈیٹ تسنے، او الس نا اومیت آتیا پورو سلنگ کن دے و نن خواری کننگءِ۔ او پی ٹی آئی نا اسہ راہشون اسے نا کنڈآن تینا زی آ بیٹ کروک آ دوبہ غاتا بابت پارے کہ ہرابھرتی تا او بابت پارینے او بھرتیک کنا دا عہدہ ءِ سنبھالنگ آن مست انا ءُ، وزیراعظم دا بابت تینا خصوصی کمکار نعیم الحق ءِ ٹاسک تسنے، وزیراعظم دا ڑاناپسندیدگی نا ہم درشانی ءِ کرینے،و پارینے کہ پارٹی نا راہشون یا کارندہ اسے اگہ بندغ یا ادارہ سے آن غاو ءِ تو او سوشل میڈیا نا جاگہ غا پارٹی نا کہول آ ایسر کننگے۔
