اسلام آباد۔ 29 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ انتہاپسند مودی دنیا نا امن ءِ بھس کننگ ءِ، ہراخار، ظلم و جبر انا کچٹی ءِ تالان کرسا انسانی زند و بقائے تین پہ تینی نا چاگڑد ءِ بھس کننگ خواہک۔ کشمیر اٹی ظلم و بربریت انسانی تاریخ اٹی اسہ بدبخت باب اسے نا ودکی ءِ۔ پنچ شنبے نادے آ تینا ٹویٹ اٹی اوپارے کہ وزیراعظم عمران خان نا کماشی ٹی (پگہ) جمعہ نادے آ مچ آ قوم ظالم نا برخلاف و مظلوم تا حق اٹی اُراتیان پیش تمرہ۔ ڈاکٹر فردوس عاشق اعوان پارے کہ کشمیری تتون یکجہتی نا بنا پاکستان و کشمیر نا قومی ترانہ غاتیان مریک۔ عمران خان مظلوم کشمیری تتون یکجہتی کرسا قومی جوزہ غاتے مچ آ دنیا اسکان سرکیک۔
