اسلام آباد ۔ 28اگست(اے پی پی) سینٹر فار پیس سیکیورٹی اینڈ ڈولیپمنٹل اسٹیڈیز ءِ نیمگءَ چہ ترکمانستان ءِ سفیر ءِ شرپءَ شپءِ شام پِر کنگ بوتگ کہ ، دعوتءَ وسطی ایشیائی ملک آنی دوازدہ ءَ چہ گیش سفیر ہوار بوتگ اَنت ۔ اے موہءَ ترکمانستان ءِ سفیر اتدجان موئلا موہ ءَ گشتگ کہ پاکستان ء ُ ترکمانستان دوئیں براتیں ملک آں ۔ دوئیں یکے دومی ءَ چہ بازیں چیز اھیل کت کناں ۔ بیپاری ء ُ توانائی ءِ گامگیجاں چہ دوئیں ملک آں پائدگ بیت ۔ اے مو ہء َ ڈائریکٹر دادابائے گروپ حبیب اللہ دادابائے ءَ گشتگ کہ بیپاری ء ُتوانائی ءِ پڑاں ترکمانستان ، پاکستان ءِ قدرتی شریدار اِنت ۔ آئیءَ گشتگ کہ پاکستان ء ُ ترکمانستان ءِ نیامءَ جوانیں سیادی اَست ۔ پاکستان ہما ملک آنی ردءَ ہوار اِنت کہ آیاں درساں چہ پیسر ترکمانستانءِ آجوہی ءَ را من اِتگ ۔ مے اے سیادی 10مئی 1992ءَ جوڑ بوتگ ۔ سینٹر فار پیس سیکیورٹی اینڈ ڈویلپمنٹل اسٹڈیز ءِ صدر لیفٹیننٹ جنرل ریٹائرڈ آغا محمد عمر فاروق ءَ گشتگ کہ پاکستان ءَ ترکمانستان ءَ را گوادر دھکا ءِ وسیلگءَ چہ ایران ء ُ روسءِ گر میں آپ ءِ سربوہگءِ منظوری داتگ ۔ ترکمانستان ءَ را بحیرہ عرب ءَ تچک ءَ تچک رسائی بیت ۔ اے ہوالگءَ ترکمانستان پاکستان ءِ سیکورٹی ء ُ بیپاری شریدار بیت ۔ پاکستان ء ُ ترکمانستان دوئیں اقتصادی کمک تنظیمءِ باسک اَنت ۔ کہ ایشی ءِ بن اِشت پاکستان ، ایران ء ُ ترکی ء َ 1985ءَ تہران ءَ ایر کتگ ۔
