اسلام آباد ۔ 28 اگست (اے پی پی) دری کارانی بنجاہی وزیر مخدوم شاہ محمود قریشی ءِ گوما جماعت اسلامی ءِ امیر سینیٹر سراج الحق ءَ چار شمبے ءَ وزارتِ خارجہ ءِ تہ گند ءُُ نندکتگ ۔ نائب امیر جماعت اسلامی عبدالغفار عزیز ھم گوں آئی ءِ ہمبراہ ات ۔ گپ ءُُ تران ءِ تہ زوربرتگیں کشمیر ءِ تہ انسانی حقانی پامالی ءِ سرا ھیال ریچی کنگ بوتگ ۔ ۔ دری کارانی وزیر ءَ امیر جماعت اسلامی سینیٹر سراج الحقءِ دری کارانی کارگس ءِ تہ آھگ ءِ سرا منت گپتگ ات ءُُ آہاں را کشمیر ءِ جیڈھ ءِ سرا تنگہ چست کتگیں گامگیجاں چہ سرپد کتگ ۔ امیر جماعت اسلامی ءَ اے درگت ءَ لہتیں صلاح ھم داتگ ات ۔ دری کارانی وزیر ءَ امیر جماعت اسلامی سینیٹر سراج الحق ءِ نیمگا چہ اتکگیں صلاھءِ ھیرمقدم کتگ،کشمیرءِ جیڈھ ءِ سرا ملک ءِ دراھیں سیاسی گلانی تہ تپاکی انت ۔ دری کارانی وزیر ءَ سپیشل کمیٹی برائے امور کشمیر ءِ تہ بھرزوری ءِ سرا سینیٹر سراج الحق ءِ منت گپتگ ات ۔
