اسلام آباد ۔ 28 اگست (اے پی پی)دری کارانی وزیر شاہ محمود قریشیءَ گوشت کہ 35ہزار مردماں چہ گیش ءَ را ای ویزا ءِ آسراتی چہ نپ چست کنگ مزنیں سوبمندی انت ۔ مہ دری کارانی وزارت ءِ تہ قونصلر سیکشن ءِ تہ گہتریں سسٹم پھجارگ اوں تنکہ مردماں را گہتریں آسراتی دیگ بہ بیت ۔ اے گپ آہاں چار شمبے ءَ نادرا ہیڈکوارٹرز ءِ تروتاب ءِ موہ ءَ کتگ ات ۔ دری کارانی وزیر ءَ اے تروتاب چیئرمین نادرا عثمان مبین ءِ دعوت ءِ سرا کتگ ۔ دری کارانی وزیر ءَ نادرا ءِ لہتیں تکانی تروتاب کتگ ءُُ نادراءِ کارکردگی ءَ را ساڑاتگ ۔ چیئرمین نادرا ءَ دری کارانی وزیر ءَ را نادرا ورکنگ ءِ ھوالہ چہ درج میں بریفنگ دیان ءَ سرپد کت کہ نادرا 2002ء ءَ ہڈ بوتگ ،اے وھد ءَ 593رجسٹریشن سینیٹرز سرج میں ملک ءَ کار کنگ انت ۔ نادرا گوادر چہ بگر داں سیاچین گلیشیئر ءِ تاں وتی ہزمتاں ادا کنگ انت ۔ سرج میں ملک ءِ تہ دھ میگا سینٹرز انت ایشانی تہ اسٹیٹ آف دی آرٹ سسٹم جنءگ بوتگ ات ۔ نادرا سینٹرز 11 سفارتی مشنزءِ تہ ھم انت،دری کارانی وزیر ءَ نادراءِ کارکردگی ءِ ستا کنان ءَ چیئرمین نادرا ءُُ دراھیں ٹیمب ءَ را مرادبات داتگ ۔
