راولپنڈی ۔ 28 اگست (اے پی پی) مزن وزیر ءِ ھاسیں کمکار برائے سیاسی معاملہ نعیم الحق ءَ گوشت کہ اے شجرکاری ملک ءِ تہ وشیں موسم ءِ ضمانت انت ۔ سرج میں دگنیا ءِ تہ موسمی بدلی ءِ ہلچل انت ۔ حکومت اے گپے جزم کتگ کہ سرج میں ملک ءِ تہ حکومتی اراضی چہ قوضہ ھلاس کنائینت انت ۔ ملکی ادارگہانی نام ھم اردو ءِ تہ ایر کنگ بنت تنکہ ملکی ربیدگ دیما بروایت ۔ اے ھیالانی درشان آہاں چار شمبے ءَ پارکس اینڈہارٹیکلچرل اتھارٹی ءِ چیردستی میگاٹری پلانٹیشن ءِ مراگش ءَ گوں تران کنان ءَ کتگ ات ۔ اے موہ ءِ سرا پاکستان تحریک انصاف ءِ چیف آرگنائزر سیف اللہ خان نیازی،باسک بنجاہی اسمبلی شیخ راشد شفیق،چئیرمین آرڈی اے عارف عباسی،چئیرمین پی ایچ اے آصف محمود،آر سی سی آئی ءِ صدر سلیم شاہدءُُ دگہ پارلیمنیٹیرینز ،سیاسی ءُُ چاگردی مردماں ،بیءپاری راھشون ،لہتیں وانگی ادارگہانی نودربراں ءُُ گلے جہدکاراں مزنیں کچ ءَ بھر زوری کتگ ۔ اے موہ ءِ سرا مراگش ءَ گوں تران کنان ءَ ھاسیں مہمان نعیم الحق ءَ درشک جنان ءَ میگا ٹری پلانٹیشن ءِ بنداتی کتگ وھدیکہ دگہ پارلیمنیٹیرینز ءَ ھم درشک جتگ ات ۔
