اسلام آباد ۔ 28 اگست (اے پی پی) دری کارانی وزیر شاہ محمود قریشی ءِ چیر دستی شءورءُُ صلاحی کونسل برائے ڈنی امور ءِ ھشتمی دیوان چار شمبے ءَ ڈنی کارانی وزارت ءِ تہ برجم دارگ بوتگ ۔ دیوان ءِ تہ زوربرتگیں کشمیر ءِ تہ برجاہءِ انسانی حقانی ھلاپ ورزیانی ءُُ خطہ ءِ تہ امن ءُُ ایمنی ءِ ردیں جاورھال ءِ سرا شءورءُ صلاح کنگ بوتگ ۔ زوربرتگیں کشمیر ءِ مزلومءِ مسلماناں را بھارتی بربریت ءَ چہ نجات ءِ ھاترا ہمک فورم ءِ سرا روگ ءِ جزم ءِ درشان کتگ ۔ دیوان ءِ تہ پیسریگیں سفراء، پیسریگیں دری کارانی سیکرٹریز، میاں اوستمانی معاملہانی زانتکار ءُُ دگراں شءورءُُ صلاحی کونسل ءِ دیوان ءَ بھرزوری کتگ ۔ دری کارانی وزیر ءَ شءورءُُ صلاحی کونسل ءِ باسکاں زوربرتگیں کشمیر ءِ مزلوم ءِ مہلوک ءِ سرا زلم ءُُ زوراکی ءَ را دگنیا ءِ دیما آرگ ءِ ھاترا ھاسیں دمگی ءُُ میاں اوستمانی براتری ءَ گوں بوتگیں دری کارانی وزیرانی ءُُ دگہ میاں اوستمانی راھشون چہ وتی انوگیں رھوت ءِ تفصیل چہ سرپد کتگ ۔ دری کارانی وزیر ءَ مہمان ءَ راصدر سیکیورٹی کونسل ،سیکرٹری اقوام متحدہ ،ہیومن راءٹس کمشنرءُُ سیکرٹری جنرل او آئی سی ءِ گوما بوتگیں رھوت ءُُ اے آسرءَ تنیگہ بوتگیں دیمروئی چپ سرپد کتگ ۔ شاہ محمود قریشیءَ گوشت کہ میاں اوستمانی میڈیا ءُُ انسانی حقانی گلانی نیمگا چہ دیما اتکگیں رپورٹس باز نگیگ انت، بھارت مقبوضہ جموں و کشمیر ءِ تہ یک نیمگی گاماں چہ وادی ءِ آبادیاتی درسد ءَ را بدل کنگ لوٹگ انت ۔ آہاں گوشت کہ زوربرتگیں کشمیر ءِ مزلو میں مسلماناں را بھارتی زلم ءُُ زوراکی ءَ چہ نجات دیگ ءِ ھاترا ہمک فورم کارمرز کن انت ۔
