اسلام آباد ۔ 28 اگست (اے پی پی) دری کارانی وزیر شاہ محمود قریشی ءَ گوشت کہ بھارت زوربرتگیں کشمیر ءِ جاورھال چہ دگنیا ءِ دلگوشی مٹ کنگ ءِ ھاترا ’’فالس فلیگ آپریشن‘‘ ءِ وڈ ءِ ناٹک کت کن ایت،گمان انت کہ کویت کشمیر جیڈھ ءَ را میاں اوستمانی تبک ءِ سرا اجاگر کنگ ءِ ھاترا پاکستان ءِ کمک برجاہ دارایت ۔ دری کارانی کارگس ءِ ربالکارشاہ محمود قریشی ءَ چار شمبے ءَ کویت ءِ نائب مزن وزیر ءُُ دری کارانی وزیر شیخ صباح خالد الحماد الصباح ءِ گوما ٹیلیفونک رابطہ کتگ ۔ فریقاں زوربرتگیں کشمیر ءِ نگیگیں جاورھال ءِ سرا ھیال ریچی کتگ ۔ دری کارانی وزیر ءَ گوشت کہ ہندوستان زوبرتگیں کشمیر ءِ تہ وتی یک نیمگی گامگیج ءِ پدا کشمیریانی سرا سکیں زلم ءُُ زوراکی کنگ انت ۔ دری کارانی وزیر ءَ وتی کویتی ہمکار ءَ را سرپد کتگ کہ بھارت زوربرتگیں کشمیر ءِ جاورھال ءَ چہ دگنیا ءِ دلگوشی مٹ کنگ ءِ ھاترا ’’فالس فلیگ آپریشن‘‘ وڈیں ناٹک ءِ کن ایت ۔ دری کارانی وزیر ءَ کشمیر ءِ جیڈھ ءِ سرا سیکیورٹی کونسل ،ہیومن راءٹس ءُُ او آئی سی ءِ تہ پاکستان ءِ گپے تائید ءِ سرا کویتی دری کارانی وزیر ءِ منت گپتگ ات ءُُ گمان پدر کتگ کہ کویت کشمیر ءِ جیڈح ءَ را میاں اوستمانی تبک ءِ سرا اجاگر کنگ ءِ ھاترا پاکستان ءِ کمک برجاہ دارایت ۔ کویتی دری کارانی وزیرءَ اے دراھیں جاورھال چہ سرپد کنان ءَ دری کارانی وزیر مخدوم شاہ محمود قریشی ءِ منت گپتگ ات ۔ کویتی دری کارانی وزیرءَ زوربرتگیں جموں ءُُ کشمیر ءِ جاورھال ءِ سرا تکانسری ءِ درشان کنان ءَ وتی ہمک ممکن کمک ءِ سدکی داتگ ۔
