اسلام آباد۔ 28 اگست (اے پی پی) حج کننگ آن پد حاجی تا پاکستان آ پدی بننگ نا چرجوئی برجاءِ، سرکاری و پرائیویٹ اسکیم تا جم وڑاٹ 59 ہزار آن زیات حاجی وطن آ پدی سرمسنو۔ وزارت مذہبی امور نا ترجمان نا رداٹ سرکاری اسکیم نا داوخت اسکان 36ہزار وخت اس کہ پرائیویٹ اسکیم نا 23ہزار حاجی وطن آ پدی سرمسنو۔ 31 ہزار آن زیات حاجی مکہ مکرمہ آن مدینہ منورہ آ سرمسنو ہراڑے او 8 دے اڈ کننگ آن پد وطن آ پدی رادہ مریرہ۔ ترجمان نا رداٹ سرکاری حج اسکیم نا 56ہزار حاجی داسہ ہم مکہ مکرمہ ٹی ساڑی ءُ۔ حاجی کیمپ آتا عملہ ملک انا 10 شار تیٹی مستعدی اٹ بالی پٹ آتیا حاجی تا بیا بخیر کن فرض انجام تننگ ءُ۔ حج فلائٹ آپریشن 15ستمبر اسکان برجاسلک۔
