اسلام آباد۔ 27 اگست (اے پی پی) مزن وزیر عمران خان ءَ گوں چین ءِ سنٹرل ملٹری کمیشن ءِ وائس چیئرمین جنرل زوکی لیانگ ءَ گند ءُُ نند کت۔ آ چین ءُُ پاکستان ءِ وت مہ وتی سیت ءِ ھوالگ ءَ ھیال ریچی کنگ ءِ واستہ مزن تکی ڈل ءِ ھمبراھی ءَ پاکستان ءِ تر ءُُ تاب ءَ انت۔ گند ءُُ نند ءِ ساھت ءَ مزن وزیر عمران خان ءَ پاکستان ءُُ چین ءِ نیام ءَ توامیں رنگ ءِ جوانیں سٹریٹجک کوآپریٹوپارٹرنرشب ءِ وتی درور وتیں انت نامینان ءَ گوشت کہ چین پڑ ءُُ ایشی ءَ چہ ایمنی ءُُ برجائی ءِ بنجاھ انت۔ مزن وزیر ءَ 5اگست ءِ بھارت ءِ گیر کانودی ءُُ یک نیمگی کاروائی ءِ سر ءَ چمشانک دیان ءَ گوشت کہ مقبوضہ کشمیر ءَ گوستگیں سئے ھپتگاں چہ لکھانی کشمیری آناں لاک ڈاؤن جاڑی انت، ادا بنی آدمی ھک ءُُ بنی آدم آنی جاور ھال سک باز ھراب انت ءُُ بھارت ءِ اے گام ءَ چہ ایمنی ءُُ سلامتی ءَ را بیم ءَ گوں دُوچار گیت کگ۔ مزن وزیر ءَ گوشت کہ بھارت وتی ظلم ءَ چہ دگنیا ءِ دلگوشی ءَ دگہ نیمگ ءَ ترینگ ءِ واستہ فلیگ آپریشن کت کنت۔ مزن وزیر ءَ گوشت کہ مقبوضہ کشمیر ءَ چہ کرفیو ءَ را زوت ھلاس کنگ لوٹ ایت ءُُ بنی آدمی ھک آنی گوانک ءَ آناں بُرز کنوک آناں آھوادا روگ ءِ موہ دیگ بہ بیت تانکہ آ بنی آدمی لگت مالی ءَ را جوانیں رنگ ءَ دست بکن اَنت۔
