اسلام آباد۔ 27 اگست (اے پی پی) مزن وزیر عمران خان ء۔ گوشت کہ حکومت پاکستان انٹرنیشنل ائیر لائن (پی آئی اے) ءَ را سیتی ءُُ برجائیں ادارگ ءِ جوڑ کنگ ءِ واھشت ایگ آں، پی آئی اے ناں ایوک ءَ راجی ادارگ بلکینگ ءَ ملک ءِ پجار انت، گوستگیں وھد ءَ سیت ءِ کٹوکیں مستریں ادارگ مرچی دُز ءُُُ ڈنگی ءُُ ھرابیں انتظامی ءِ سبب ءَ مشکل آنی آماچ انت۔ سئے شمبے ءَ مزن وزیر میڈیا کارگس ءِ نیمگ ءَ جاڑی بوتگیں پریس ریلیز ءِ رد ءَ مزن وزیر عمران خان ءِ سروکی ءَ پاکستان انٹرنیشنل ائیر لائنز ءَ را نوکیں ٹیکنالوجی ءِ رد ءَ آرگ ءِ ھوالگ ءَ دیوان ءِ برجم دارگ بوت۔ دیوان ءَ وزیر ءِ ”ہوابازی“ غلام سرور خان، مشیر ھزانگ عبدالحفیظ شیخ، سیکرٹری ”ہوابازی“ شاہ رخ نصرت، سیکرٹری ھزانگ نوید کامران، سی ای او پی آئی اے ائیر مارشل ارشد ملک، بالی جوڑ کنوکیں ادارگ ءِ نماھنگ ءُُ کلانہ ایں اپسرگ آں بھر زوری کت۔ پاکستان انٹرنیشنل ائیر لائنز ءِ استیں فلیٹ ءَ نوکیں ءُُ نوکیں بالی ءِ تہ ءَ ھوار کنگ، مساپر آنی گہتریں سپری آسراتی پجاری کنگ ءُُ آیوکیں باندات ءِ ضلورت آنی رد ءَ ادارگ ءِ کار رھبند آنی ھوالگ ءَ سرجمیں گپ ءُُ تران کنگ بوت۔ دیوان ءَ سی آی او پی آئی اے ائیر مارشل ارشد ملک ءَ مزن وزیر ءَ گوشت کہ پی آئی اے ءِ استیں انتظامی ءِ شپ ءُُ روچ جہد ءُُ کوشست آنی بدولت ءَ ادارگ ءِ وام آنی تہ ءَ یک شل ءَ کمی پیداک انت۔ مزن وزیر ءَ را گوشگ بوت کہ ملک ءَ ائیر ٹرانسپورٹ ءِ تہ ءَ جوانیں پوٹینشل است انت ایش آیوکیں بیست سال آنی تہ ءَ گیش ود انت دو سرئی بنت۔ پی آئی اے ءَ را نوکیں ٹیکنالوجی ءِ رد ءَ آرگ ءِ ھوالگ ءَ سیت آنی تہ ءَ گیشی بیت آھودا کاروباری چست ءُُ ایر ءُُ سیل ءُُ سواد آناں دیمروئی دیگ ءَ کمک رسیت۔
