اسلام آباد۔ 27 اگست (اے پی پی) چینی سینٹرل کمیشن ءِ وائس چیئرمین جنرل زو کلی آنگ ءَ مزن تکی ڈل ءِ ھمبراھی ءَ نیول ھیڈ کوارٹرز اسلام آباد ءِ تر ءُُ تاب کت ءُُ چیف آف دی نیول اسٹاف ایڈمرل ظفر محمود عباسی ءَ گوں گند ءُُ نند کت۔ پاک بحریہ ءِ نیمگ ءَ جاڑی بوتگیں بیان ءِ رد ءَ نیول ھیڈ کوارٹرز ءَ پجگ ءِ پد ءَ چینی وائس چیئرمین ءَ نیول چیف ءَ را وش اتک کت۔ پاک بحریہ ءِ ورنا آں آرا سلامتی دات۔ شرپ مندیں مہمان آں پُل آنی چادر شہید آنی کبر آنی سر ءَ پر دات ءُُ نیول ھیڈ کوارٹر ءِ پرنسپل اسٹاف آفیسرز آں گوں گند ءُُ نند کت۔ امیر البحر ءَ گوں گند ءُُ نند ءِ ساھت ءَ وت مہ وتی واھگی کار آنی سر ءَ ھیال ریچی کنگ بوت۔ ایڈمرل ظفر محمود عباسی ءَ پاک چین دوستی ءِ ارزشت آناں سہرا کنان ءَ گوشت کہ دوئیں ملک آنی الس ءُُ ارد ی آنی نیام ءَ یکوئی بے دررین اَنت۔ نیول چیف ءَ دوئیں ملک آنی زرئی اُرد آنی نیام ءَ جاڑی بوتگیں منصوبگ آنی سر ءَ دیمروئی ءِ سر ءَ دل یکیمی ءِ درشان کت۔ آئی ءَ ٹوھیں زرئی ایکسرسائز ایمن 2019ءَ چینی نیول ءُُ آئی اسپیشل آپریٹنگ فورسز آنی شریک بوھگ ءِ پد ءَ شگر ءُُ منت گپت۔
