اسلام آباد۔ 27 اگست (اے پی پی) صدرمملکت ڈاکٹرعارف علوی ءَ گوشت کہ پاکستان تحریک ءِ انصاف ملک ءَ را ریاست ءِ مدینہ ءِ نمونگ ءَ جوڑ کنگ ءُُ ایشرا یک اسلامی ریاست ءِ رنگ ءَ مٹ کنگ ءِ جزم ءَ انت، آئی ءَ اے گپ سئے شمبے ءَ ادا البارکہ بنکنگ گروپ ءِ ڈل ءَ گوں گند ءُُ نند ءَ تران کنان ءَ کت۔ البارکہ بنکنگ گروپ ءِ چیف ایگزیکٹو آفیسر عدنان احمد یوسف ڈل ءِ سروکی ءَ کنگ ءَ ات۔ صدر ءِ مملکت ءَ گوشت کہ پاکستان ءَ بنکاری ءِ شوبگ مھکم ءُُ برجا انت۔ صدر ءِ مملکت ءَ ڈل ءَ را گوشت کہ کاروبار ءِ تہ ءَ آسانی آنی بابت ءَ میاں اوستمانی انڈکس ءَ پاکستان ءِ پوزیشن ءِ تہ ءَ سک باز گہتری اتکگ۔ البارکہ بنکنگ گروپ ءِ چیف ایگزیکٹوآفیسرعدنان احمد یوسف ءَ گوشت کہ اسلام ءَ ھما کہ مالیاتی نظام پیش کتگ آئی ءِ تہ ءَ سُت ءِ نظام ءِ ھلاسی دل یکیمی انت ءُُ سیت ءُُ تاوان ءِ بنیات ءِ سر ءَ سیت ءُُ دولت ءِ جوانیں رنگ ءَ بھر ءُُ بانگ ءُُ شنگ ءُُ تالان ءِ سر ءَ زور دیگ بوتگ۔
