اسلام آباد۔ 27 اگست (اے پی پی) صدر مملکت ڈاکٹر عارف علوی ءَ گوشت کہ کشمیر ءَ بھارت ءِ ظلم ءُُ زوراکی ءَ گوں یک نیمگی پیسلہ ءَ دمگیل ءُُ میاں اوستمانی ایمنی ءَ را بیم ناکی ءَ گوں دُچار گیت کگ، بھارتی اُرد انی نیمگ ءَ چہ بزگیں کشمیری آنی بنیاتی بنی آدمی ھک ءِ لگت مالی ءِ واستہ سرجمیں دگنیا ءِ بنی آدم دوستیں گل اجبیں نہ وشی سما کنگ ءَ انت ءُُ اے جاور ھال ھمروچ گیش ھراب تر بوھگ ءَ انت، میاں اوستمانی برات بھارتی ظلم ءُُ زوراکی ءِ سر ءَ نوٹس بہ زور اَنت۔ آئی ءَ اے گپ برطانیہ ءِ پارلیمانی ڈل ءَ گوں تران کنان ءَ کت آئی ءَ خالد محمود ءِ سروکی ءَ سئے شمبے ءَ ایوان ءِ صدر ءَ گند ءُُ نند کت۔ سپیکر راجی اسمبلی اسد قیصر ءُُ چیئرمین کشمیر کمیٹی فخر امام ءَ اے موہ ءَ ساڑی اتنت۔ صدر ءِ مملکت ءَ گوشت کہ بھارتی اُرد بزگیں کشمیری آنی چوشیں لگت مالی ءَ سرجمیں دگنیا ءَ را سرینتگ، مرچی بھارت ءَ ایندگر نیک راھی ٹک گیر محفوظ اَنت، گنوکیں ہندو پرست بھارتی سروکی ءَ سرجمیں دگنیا ءِ دیم ءَ سہرا کتگ کہ ایشی ءَ ناں ایوک ءَ جمہوریت ءِ چادر وتارا پر داتگ۔ آئی ءَ گوشت کہ میاں اوستمانی برات مقبوضہ کشمیر ءَ بھارتی اُرد ءُُ آر ایس ایس ءِ گنڈا گردی ءِ سر ءَ ترندی ءَ گوں نوٹس بہ زور ایت۔
