بھارت ظلمء ُناحقی ءِ زوراکیءَ چہ کشمیری آنی توار ءَ بند کُت نہ کنت
اسلام آباد ۔ 27اگست(اے پی پی) مزن وزیر عمران خانءِ حاسیں کمککار فردوس عاشق اعوانءَ گشتگ کہ بھارت ظلمء ُناحقی ءِ زوراکیءَ چہ کشمیری آنی توار ءَ بند کُت نہ کنت ۔ پاکستان کشمیر ءِ جیڑہءَ را گیشء ُگیوار کنگءِ ھاترءَ ہرچ وڑیں گامگیج چست کنت، حکومت لوٹ ایت کہ کشمیرءِ جیڑہءِ سرءَ درسیں راج یک توار بہ بیت، اگاں مارا جنگء ُ جدل ءَ مجبور کنگ بوت گڑا پاک فوج ساڑی اِنت، بلے اے جنگءَ چہ خطہ ءَ ہوار سرج میں دنیا ءِ امنء ُ ایمنی آماچ بیت، ایشیءَ چہ پیسر کہ دیر بہ بیتء ُ دنیا بھارتءِ گامءَ بہ داریت ۔ نجی ٹی وی ءِ مراگشءَ گوں تران کنانءَ حاسیں کمک کارءَ گشتگ کہ ما دنیاءَ را اے گپءَ گشگ لوٹا ں کہ مزن وزیرءِ سروکی ءَ حکومت کشمیرءِ جیڑہء ُ جنجالءَ گیش ء ُ گیوار کنگءِ ھاترءَ ہرچ وڑیں گامگیج چست کنت ۔ آئیءَ گشتگ کہ سرج میں راج چوں کوہء ِ وڑءَ بھارتءِ دیما مِک بہ بیت ء ُ میاں اوستمانی تکءَ گوں کشمیرءَ یکوئی ءِ درشانی ءَ بہ کنت ۔ اے ہوالگءَ اپوزیشن ءِ کردءَ کردءَ را منگ بوتگ ء ُ یک گروپے جوڑ کنگ بوتگ، مسلم لیگ(ن) ءِ نیمگءَ چہ مشاہد حسین سید ء ُ پاکستان پیپلز پارٹی ءِ نیمگءَ چہ سید نوید قمر اے گروپ ء ِ بھر اَنت، پاکستان بے وسء ُ بزگیں کشمیرءِ مردماں اے گرانیں ساہتاں تنا یل نہ کنت ۔ ڈاکٹر فردوس عاشق اعوانءَ گشتگ کہ اگاں مارا پہ جنگءِ مجبور کنگ بوت گڑا پاک فوج ساڑی اِنت بلے 2ایٹمی زوراکانی ھاترءَ جنگ ءِ اکبت حراب بنت ، ا ے جنگ پہ تنا خطہ ءِ ھاترءَ نہ سرج میں دنیاءِ امنء ُ ایمنی ءِ ھاترءَ ھترہ اِنت ۔
