اسلام آباد ۔ 27 اگست (اے پی پی) وزیراعظم نا خصوصی کمکار اوورسیز پاکستانیز و چیئرمین نیشنل ٹورازم کوآرڈینیشن بورڈ سید ذوالفقار بخاری پارینے کہ پاکستان اٹی سیل و سوات نا بے پناہ پوٹیشنل ساڑی ءِ، حکومت نجی بشخ ءِ ملک اٹی سیل و سوات نا مون آ دننگ کن ہروڑ آسراتی فراوان کیک ۔ او سے شنبے نادے آ پاکستان اٹی سیل و سوات نا مون آ دننگ نا بابت ہندی ہوٹل اٹی اڈ ہلوک آ اِرادے ئی ورکشاپ نا بنائی سیشن آن تران کریکہ ۔ ورکشاپ نا بست و بند ءِ پاکستان ٹورازم ڈویلپمنٹ کارپوریشن یونائیٹڈ نیشن ڈویلپمنٹ پروگرام نا کمک اٹ کریسس ۔ اوپارے کہ وزیراعظم عمران خان سیل وسوات ءِ مون آ دننگ اٹ ذاتی است خواہی تخک ۔ اوپارے کہ پاکستان اٹی سیل و سوات ءِ مون آ دننگ بھاز المی ءِ ۔ پاکستان قدیم دودوربیدگ نا حامل ملک اسے ۔ اوپارے کہ آخبت اٹی پاکستان ٹورازم ڈویلپمنٹ کارپوریشن ناکڑد نمے نظر بریک، نن خوانہ سیل و سوات ءِ مون آ دننگ اٹ نجی بشخ ہم تینا کڑد ءِ اداکے، ٹورازم اسہ ہندن ءُ سیکٹر اسے ہرادے وزیراعظم عمران خان تینٹ لیڈ کننگ ءِ ۔
