اسلام آباد ۔ 27 اگست (اے پی پی) وزیراعظم نا خصوصی کمکار انسداد پولیو بابر بن عطاء پارینے کہ انسداد پولیو نا برخلاف سوشل میڈیا غا مواد اپ لوڈ کروک آتے وارننگ تننگ نا چرجوئی برجاءِ ۔ دا چرجوئی ٹی داوکت اسکان 31 فیس بک اکاءونٹس آتے بند کننگانے ۔ سے شنبے نادے آ وزیراعظم نا خصوصی کمکار انسداد پولیو بابر بن عطاء تینا اسہ بیان اسے ٹی پارینے کہ پولیو نا چٹفنگ کن مچ آ قوم یکجاءِ ۔ سوشل میڈیا غا انسداد پولیو مہم نا مخالفت و پروپیگنڈا کروک آتا برخلاف کارروائی کننگک ۔ پولیو مخالف پروپیگنڈا کروک آ 31 فیس بک پیج آتے بند کننگانے ۔
