اسلام آباد ۔ 27 اگست (اے پی پی) قومی احتساب بیورو (نیب ) انا چیئرمین جسٹس (ر) جاوید اقبال ءِ پاننگانے کہ نیب راولپنڈی جعلی بینک اکاءونٹس سکینڈل اٹی مسکوہی صدر آصف علی زرداری ، فریال تالپور ، عبدالغنی مجید، یونس قدوائی و حسین لوائی تون اوار ایلو وڈی خور عنصر آتا برخلاف وڈی خوری نا 6ریفرنس دائر کرینے و 13ارب روپئی آن زیات نا زر دوئی کرسا قومی خزانہ ٹی جمع کرفینے، 41دوبہ دار آتا پن ءِ ای سی ایل اٹ شاغنگانے ، 21انکوائری و 12انویسٹی گیشن جاری ءُ ۔ نیب راولپنڈی کم و ود 51ارب 46لکھ روپئی آن زیات مالیت نا ماڑی تے منجمند کرینے ۔ داہیت ءِ چیئرمین نیب ءِ نیب راولپنڈی نا دورہ نا وخت آ پاننگانے ۔ ڈائریکٹر جنرل نیب راولپنڈی عرفان نعیم منگی و اونا ٹیم چیئرمین نیب ءِ جعلی بینک اکاءونٹس سکینڈل کیس انا بابت بریفنگ تسر ۔ داوخت آ گپ و تران کرسا چیئرمین نیب جسٹس جاوید اقبال گپ و تران کرسا پارے کہ نیب آفیسر آک کس اسے نا دباءو ٹی بفس بے خوف و خلیس کاریم کیر ۔ اودا عزم انا اعادہ ءِ ہم کرے کہ غٹ مقدمہ غاتے دوبہ دار آتا راجی رتبہ ءِ ہُننگ آن بیدس میرٹ آ چٹفنگے ۔ اوپارے کہ نیب آفیسر آک با اثر بندغ آتا برخلاف واءٹ کالر کرائم نا مقدمہ غاتے چٹفنگ ءُ، ولے ہر دوبہ دار نا شرف ءِ کننگے و اودے اوڑا خلوک دوبہ غاتیا تینا موقف ءِ پیش کننگ کن پورو موقع فراوان کننگے ۔ چیئرمین نیب پولیس کلچر نا کاریم اٹ اتنگ نا حوصلہ شکنی ءِ کرسا پارے کہ آفیسر آک تینا مقدمہ غاتا بابت بے کچ صبر و سگ انا درشانی ءِ کیر و مقدمہ غاتے تخوک آ وخت آ ایسر اسکان سرکننگ ءِ المی کیر تانکہ انصاف نا فراوانی ءِ ممکن کننگ مرے ۔ اوڈائریکٹر جنرل نیب راولپنڈی عرفان نعیم منگی نا کماشی ٹی نیب راولپنڈی نا کارکڑد انا ستاءِ کرے و مقدمہ غاتیا پش رفت آ است جمی ظاہر کرے ۔ چیئرمین نیب نیب آفیسر آتیا زور شاغا کہ او تینا واک آتے منصفانہ وڑاٹ کاریم اٹ اتیر تانکہ انصاف نا فراوانی ءِ المی کننگ مرے ۔ اونیب راولپنڈی نا پراسیکیوشن ونگ ءِ پارت کرے کہ او مقدمہ غاتا غٹ کانودی پلو آتے مون آ تخسا مقدمہ غاتا تیاری ءِ کیر تانکہ عدالت اٹی شاہدی نا ساکھ برقرار مرے ۔ اوپارے کہ نیب انا مقدمہ کیس سٹڈی و دا پاکستان نا عدالت نظام کن مثال نا وڑاٹ پیش کننگ مریر ۔ داوخت آ بریفنگ ترسا چیئرمین نیب ءِ پاننگاکہ نیب راولپنڈی 13ارب 81لکھ روپئی آن زیات زر دوئی کرسا قومی خزانہ ٹی جمع کرفینے ۔ نیب راولپنڈی جنوری 2019ء ٹی جعلی بینک اکاءونٹس سکینڈل نا جاست وپاست ءِ بناکننگ آن داوخت اسکان مسکوہی صدر آصف علی زرداری ، فریال تالپور، عبدالغنی مجید، یونس قدوائی و حسین لوائی تون اوار ایلو 39 دوبہ دارآتے دزگیر کرینے وخت اس کہ اوفتا برخلاف وڈی خوری نا 6 ریفرنس دائر کرینے ۔ 41دوبہ دار آتا پن ءِ ای سی ایل اٹ شاغنگانے، 21انکوائری و 12انوسٹی گیشن جاری ءُ ۔ نیب راولپنڈی ایمنسٹی پلاٹس سٹریٹ نمبر 28 و سٹریٹ نمبر 28;65;بلاک ون سکیم 5 کلفٹن کراچی ٹی غیر کانودی الاٹ منٹ آ یونس قدوائی ، مسکوہی ایڈمنسٹریٹر نا ڈی اے حسین سید، مسکوہی میٹروپولیٹن کمشنر نا ڈی اے متانت علی خان، مسکوہی ڈائریکٹر کے ڈی اے نجم زمان و ایلوفتا برخلاف احتساب عدالت اسلام آباد اٹی وڈی خوری نا ریفرنس دائر کرینے ۔
