اسلام آباد ۔ 27 اگست (اے پی پی) نیشنل انفارمیشن ٹیکنالوجی بورڈ انا ٹہیفنگ آن سرکاری ادارہ غاتے ٹی ای گورننس نا مون آدننگ و شاری تے دمدستی و گچین خذمت آتا فراوانی ٹی کمک رسینگک ۔ صدر مملکت دارداٹ نیشنل انفارمیشن بورڈ انا آرڈیننس ءِ جاری کرینے ۔ دا آرڈیننس نا رداٹ بنجائی حکومت اسہ تُو انا تہہ ٹی نیشنل انفارمیشن ٹیکنالوجی بورڈ انا ٹہیفنگ کن نوٹیفکیشن جاری کیک، بورڈ انا ہیڈ کوارٹر زاسلام آباد اٹی مریک وخت اس کہ بنجائی حکومت نا منظوری آن ملک اٹی ہرجاگہ غا بورڈ انا دفتر یا دفتر آتے جوڑ کننگ مریک ۔ صدر مملکت بورڈ انا چیئرمین مریک وخت اس کہ تعلقدار ڈویژن نا وزیر بلحاظ عہدہ وائس چیئرمین مریک ۔ تعلقدار ڈویژن نا سیکرٹری، سیکرٹری خزانہ ، سیکرٹری اسٹیبلشمنٹ ڈویژن، سیکرٹری سائنس و ٹیکنالوجی ہم بلحاظ عہدہ بورڈ انا باسک مریرہ، داکان بیدس نجی بشخ آن انفارمیشن ٹیکنالوجی نا پنچ پنی چاہندار;223;سٹیک ہولڈرز ، ہرافتا پنداری ءِ وزیراعظم کیک، ہم بورڈ انا باسک مریرہ ۔ اسہ پنی ءُ نیاڑی ماہر تعلیم اس ہم بورڈ انا باسک مریک ہرانا پنداری ءِ وزیراعظم پاکستان کیک ۔ نیشنل انفارمیشن ٹیکنالوجی بورڈ و بنجائی وزارت، ڈویژنز، ماتحت ادارہ و دفتر آتے ٹی ای گورننس نا مون آ دننگ کن تکنیکی راہشونی و دا وزارت، ڈویژنز ، ماتحت ادارہ و دفتر آتے ٹی موثر و باکفایت ای گورننس پروگرام تا نافذ کننگ اٹ کمک فراوان کیک ۔ بورڈ بنجائی وزارت، ڈویژنز ، ماتحت ادارہ و دفتر آتے ٹی ای گورننس ءِ مون آ دننگ نا رداٹ بنداوی پنجر نا فراوانی ٹی کمک ، تعلقدار عملہ نا چاہنداری و کاریم نا کچ اٹی ودکی کن تربیت نا فراوانی ٹی کمک آن بیدس باقاعدہ بنداو تیا بنجائی وزارت، ڈویژنز ، ماتحت ادارہ و دفتر آتے ٹی ای گورننس و ڈیجیٹلائزیشن کن جاچ و چاروکی و ہمو ایریہ غاتا پیدواری ءِ کیک ہرا انفارمیشن ٹیکنالوجی نا نیام تمنگ;223;کمکاری نا گرج مریک، آٹومیشن نا رداٹ بزنس پراسیس ری انجینئرنگ (بی آر پی) آن فائدہ ہرفنگک ۔ ای گورننس نا رداٹ معیار نا قیام، سوفٹ ویئر آتا تیاری و بنداوی پنجر نا تیاری ٹی کمک فراوان کننگ نا زموارمریک ۔ داکان بیدس بورڈ ضرورت تمنگ آ صوبہ غاتون کمک و اوفتے آسراتی تا فراوانی نا ہم مجاز مریک ۔ بورڈ بنجائی وزارت، ڈویژنز، ماتحت ادارہ و دفتر آتے ٹی ای گورنمنٹ پروگرام و پروجیکٹ نا موثر، باکفایت آ کیورمنٹ، نفاذ، آپریشن و مینٹیننس اٹی آسراتی فراوان کیک، داپروگرام و پروجیکٹ ءِ نیشنل سٹریٹجک ایکشن پلان تون مربوط کننگ اٹ ہم کمک فراوان کننگک ۔ نیشنل انفارمیشن ٹیکنالوجی بورڈ حکومتی محکمہ و نجی بشخ انا کمک اٹ ٹیکنالوجی ءِ مون آ دننگ کن مراکز فضیلت(سینٹرز آف ایکسیلنس ) جوڑ کیک ۔ بورڈ السی آسراتی کن ایپلیکشن جوڑ کننگ نارداٹ چندی ادارہ غاتیان ڈیٹا دوئی کننگ کیک ۔ بورڈ انا ٹہیفنگ آن وزارت ، ڈویژنز، سرکاری محکمہ و ادارہ غاتے ٹی ای گورننس ءِ مون آ دننگ دوئی مریک و شاری تے دمدستی خذمت آتا فراوانی ٹی کمک رسینگک ۔
