اسلام آباد ۔ 27 اگست (اے پی پی) صدر مملکت نا پارلیمنٹ نا ہڑتوم آ ایوان تا اسیجائی دیوان نا وخت آ غٹ سیکورٹی بست و بند آتے حتمی دروشم تننگانے، دانا رداٹ وزیر یا باسک اسے نا جند انا مہمان ءِ پارلیمنٹ اٹ پترینگ انگ نا موکل تفننگک، غٹ گاڈی تے سخت سیکورٹی چیکنگ کننگک و سی این جی سلنڈر والا گاڈی تے ہم پارلیمنٹ نا پارکنگ اٹ پترینگ انگ نا موکل تننگپک ۔ پارلیمنٹ ہاءوس آن جاری مراسلہ ٹی پاننگانے کہ غٹ پارلیمنٹ نا باسک و بنجائی وزیر آتے پاننگانے کہ جمعہ 30 اگست آ اڈ ہلوک آ پارلیمنٹ نا اسیجائی دیوان نا وخت آ اوتینا مہمان تے تین تون اتنگ کپسہ و غٹ باسک آتے پاننگانے کہ اوفتے جند انا گارڈزآتے ہم پارلیمنٹ نا دنگ اٹ اتنگ نا ممانعت مریک ۔ ہروڑنا رش انا حالیت آتیان بچنگ کن پارلیمنٹ لاجز آن پارلیمنٹ ہاءوس اسکان خصوصی شٹل سروس اس چلیفنگک ۔ پارلیمنٹ نا باسک آتا ڈیور آتے پارت کننگانے کہ او تینا گاڈی تے پارکنگ اٹ سلفر و او تینا گاڈی تا ماس آ سلر ۔
