اسلام آباد۔ 26 اگست (اے پی پی) مزن وزیر عمران خان ءَ تچک ءَ تچک جار جت کہ دگنیا گوما ھمبراہ داری کنت یا نہ کنت پاکستان ءِ حکومت ءُُ الس گڈی نپس ءَ تاں کشمیر ءِ گوما ھمگام ءَ اوشتاتگ انت، آدینگ ءِ روچ ءَ پاکستان راج نیم روچ 12بج ءَ تاں گس آں چہ ڈن ءَ در کپ اَنت ءُُ کشمیری الس آں گوں یکوئی ءِ درشان ءَ کن اَنت، 27ستمبر ءَ اقوام متحدہ ءِ جنرل اسمبلی ءِ دیوان ءَ تاں ھپتگ ءِ یک روچے کشمیری آنی سر ءَ بھارتی ظلم ءُُ زوراکی ءِ ھلاپ ءَ پاکستانی راج یک زبان بنت ءُُ کوکار کن اَنت، نریندر مودی تکبر ءِ توک ءَ اتکگ ءُُ ردئی ءِ کتگ ایشی ءَ چہ کشمیری آنی آزاتی گرگ ءِ موہ رستگ، پاکستان کشمیر ءِ جیڈھ ءَ را میاں اوستمانی پڑ ءَ دلگوشی رسگ ءِ کامیاتی بوتگ، زوت سفارتی کاری ءُُ دیمپانی تیاری آں چہ بھارت ءِ دروگیں فلیگ آپریشن ءِ جزم سہرا بوتگ، اقوام متحدہ ءِ سر ءَ سکیں ٹوھیں زمہ واری ات۔ آئی ءَ کشمیر آنی گوما سوگند کتگ بوتگ کہ آ ریفرنڈم کنائینت، دگنیا ءِ سد ارب مسلمان اقوام متحدہ ءِ نیمگ ءَ چارگ ءَ انت۔ آئی ءَ گوشت کہ آواں وتی گڈی اسباب ءِ کامردی کتگ، نوں ھرچی کناں کہ ماں کنان، اگاں کشمیر ءِ جیڈھ جنگ ءِ نیمگ ءَ جنز ات گڈا دوئیں ملک ٹوھیں ایٹمی ملک اَنت۔ ایٹمی جنگ ءَ اچ کس باج نہ بارت ایشی ءَ چہ اے پڑ ناں ایوک ءَ بلکینگ ءَ سرجمیں دگنیا ایشی ءَ چہ آماچ بیت۔ اے ھوالگ ءَ میاں اوستمانی برات آنی ءَ ٹوھیں زمہ واری بیت کہ آ چیز ءِ بکن اَنت، چے مزن مزنیں ملک ایوک ءَ وتی مارکیٹس آنی نیمگ ءَ چارگ ءَ اَنت۔ دو شمبے ءَ گوں راج ءَ تران کنان ءَ مزن وزیر عمران خان ءَ گوشت کہ مرچی ایوک ءَ کشمیر ءِ جیڈھ ءِ سر ءَ گپ جنگ لوٹ آں ءُُ اے گوشگ لوٹاں کہ کشمیر ءِ چے جاور ھال اَنت، انوگ ءَ تاں ما چے کتگ ءُُ دیم ءَ چے کنگ لوٹاں۔
