اسلام آباد۔ 26 اگست (اے پی پی) وزیر ءِ درئی کار شاہ محمود قریشی ءَ گوشت کہ مقبوضہ کشمیر ءِ بزگیں الس گوستگیں 22روچ ءَ چہ 528 کلاک ءَ چہ ظلم ءُُ لگت مالی ءِ تہ ءَ بندی انت، حریت پارٹی ءِ مردم آناں دزگیر کنگ بوتگ، بنی آدمی ھک آنی ڈگار جنوک وتی پُچوک پردیگ ءِ واستہ میڈیا ءِ سر ءَ بندش جنگ بوتگ۔ آئی ءَ اے ھیالانی درشانی دو شمبے ءَ ادا پاکستانی انسٹی ٹیوٹ آف پارلیمنٹری سروسز (پپس) ءَ سیمینار ءَ گوں گشتانک دیان ءَ کت۔ وزیر ءِ درئی کار ءَ گوشت کہ مقبوضہ کشمیر ءَ ایوک ءَ کشمیری بوھگ ءِ سبب ءَ زالبول آں ھوار ہزارانی مردم آناں بے سبب ءَ دزگیر کنگ بوتگ۔ آئیءَ گوشت کہ مقبوضہ جموں کشمیر ءَ حریت پارٹی ءِ لیڈر شپ ءَ را دزگیر کنگ بوتگ ءُُ بنی آدمی ھک آناں لگت مال کنگ ءُُ اے سل کاری ءَ را چیر دیگ ءِ واستہ میڈیا ءِ سر ءَ بندش ءِ ھم جتگ، ھمک گس ءِ دیم ءَ سیکورٹی فورس اوشتارینتگ، بیست ءُُ دو روچ ءَ چہ آھودا کرفیو انت۔ آئی ءَ گوشت کہ اے جاور ھال ہٹلر ءِ جرمنی ءِ نہ انت بلکینگ ءَ دگنیا ءِ درستاں چہ مستریں جمہوریت ءِ ٹیکہ دار ایگ اَنت۔
