اسلام آباد۔ 26 اگست (اے پی پی) سپیکر قومی اسمبلی اسد قیصر ءَ گوں برطانیہ ءِ پنچ کسی پارلیمانی باسک آئی ڈل ءَ ایم پی خالد محمود ءِ سروکی ءَ گند ءُُ نند کت۔ گند ءُُُ نند دو نیمگی یکوئی، دمگی سلامتی ءَ ھوار وت مہ وتی واھگی کار آنی سر ءَ سرجمیں ھیال ریچی کنگ بوت۔ اے موہ ءِ سر ءَ اسپیکر قومی اسمبلی اسد قیصر ءَ گوشت کہ پاکستان برطانیہ ءِ گوما وتی دوستی ءُُ یکوئی آناں سک باز شرپ دنت۔ سپیکر ءَ کشمیر ءِ جیڈھ ءِ سر ءَ تران کنان ءَ گوشت کہ کشمیر ءِ جیڈھ ہند ءِ نا سرجمیں ایجنڈا ات۔ کشمیر ءِ جیڈھ ءَ را اقوام ءِ متحدہ ءِ سلامتی کونسل ءِ منوگری ءِ رد ءَ گیوار کنگ پڑ ءِ سلامتی ءِ واستہ المی انت۔ آئی ءَ گوشت کہ برطانوکی پارلیمٹ کشمیر ءِ جیڈھ ءَ را کشمیری الس آنی واھشت آنی رد ءَ گیوار کنگ ءِ واستہ وتی زور ءُُ کنشت ءَ کارمرد بکنت۔ آئی ءَ گوشت کہ 15اگست ءَ بھارت ءِ آجوئی ءِ روچ ءِ رد ءَ برطانیہ ءَ نندوکیں پاکستانی آنی نیمگ ءَ چہ دراج کشیں سیاھیں روچ ءَ کشمیر ءِ جیڈھ ءَ را نوکیں جان ءِ بکشاتگ۔ آئی ءَ گوشت کہ سرجمیں دگنیا ءَ جمہوریت دوستیں ملک گور آنی ھک آنی ھوالگ ءَ تران کنان وھدیکہ بھارت ءَ گور آنی جان ءُُ مال محفوظ نہ انت۔ اسد قیصر ءَ گوشت کہ مقبوضہ جموں کشمیر ءَ کرفیو جنگ ءُُ مسلمان آناں نیک راھی فرض ءِ پیلو کنگ ءَ دارگ بنیاتی بنی آدمی ھک آنی لگت مالی ات۔ آئی ءَ گوشت کہ میاں اوستمانی برات مقبوضہ کشمیر ءَ بنی آدمی ھک آنی لگت مالی ءِ سر ءَ نوٹس بہ زور اَنت۔
