اسلام آباد۔ 26 اگست (اے پی پی) حج کننگ آن پد حاجی تا پاکستان آ پدی بننگ نا چرجوئی برجاءِ، سرکاری وپرائیویٹ اسکیم تا جم وڑاٹ 46ہزار آن زیات حاجی وطن آ پدی سرمسنو۔ وزارت مذہبی امور نا ترجمان نا رداٹ سرکاری اسکیم نا داوخت اسکان 27 ہزار وخت اس کہ پرائیویٹ اسکیم نا 19 ہزار حاجی وطن آ پدی سرمسنو۔ 22ہزار آن زیات حاجی مکہ مکرمہ آن مدینہ منورہ غا سرمسنو ہراڑے او8 دے انا اڈ کننگ آن پد وطن آ پدی رادہ مریرہ۔ ترجمان نا رداٹ سرکاری حج اسکیم نا 74 ہزار حاجی داسہ ہم مکہ مکرمہ ٹی ساڑی ءُ۔ حاجی کیمپ آتا عملہ ملک انا 10 شار تیٹی مستعدی اٹ بالی پٹ آتیا حاجی تا بیابخیر کن فرض سرانجام تننگ ءُ۔ حج فلائیٹ آپریشن 15ستمبر اسکان برجاسلک۔
