بولان، ڈھاڈر بائی پاس آ موٹرسائیکل و پک اپ گاڈی اس ڈوک لگار، موٹرسائیکل سوار تپاخت کرے وخت اس کہ ارٹ میکو ٹھپی مس،پولیس

کوئٹہ۔ 26اگست (اے پی پی) بولان نا علاقہ ڈھاڈر بائی پاس آ ترند رفتاری نا سوب موٹرسائیکل و پک اپ اس ڈوک لگار، موٹرسائیکل سوار تپاخت کرے وخت اس کہ ارٹ میکو ٹھپی مس۔ پولیس پک اپ ڈیور ءِ دزگیر کرے، سرکاری ذرائع نا رداٹ دوشنبے نادے آ ڈھاڈر بائی پاس نا خڑک پک اپ گاڈی اس موٹرسائیکل اسے اناگت ڈوک لگاہراٹی موٹرسائیکل سوار موقع غاہی تپاخت کرے وخت اس کہ اونا سنگت ٹھپی مس پولیس وخت آ کارروائی کرسا پک اپ ڈیور ءِ دزگیر کرے۔ پولیس لاش و ٹھپی ءِ ہندی ہسپتال آ مون تسر ہراڑے ٹھپی ءِ طبی امداد تننگ انگ ءِ، پولیس مستی جاست وپاست نا بناءِ کرینے۔