اسلام آباد۔ 25 اگست (اے پی پی) کینیڈا ءِ تہ پاکستان ءِ ہائی کمشنر رضا بشیر تاررڑ ءَ بھارتی حکومت چہ لوٹ کرتگ کہ آں وتی قابض فورسز ءِ زلم ءُُ زوراکی ءُُ لٹ ءُُ کُٹ ءِ کارروائی ءِ آسرءَ زوربرتگیں کشمیر ءِ تہ گیش بیوکیں ذہنی نادرہی ءِ گرودار ءِ ھاترا میاں اوستمانی گلاں را زوربرتگیں کشمیر ءِ تہ پترگ ءِ اجازت ءَ دات۔ کینیڈا ءِ بُن شہر اوٹاواءِ تہ پاک کینیڈا ایسوسی ایشن ءِ چیردستی برجمیں یک مراگش ءَ گوں تران کنان ءَ آہاں گوشت کہ اے ھوالہ میاں اوستمانی براھندگی ءَ را وتی کرد ادا کنگ لوٹ ایت۔تنکہ ذہنی نادراہی ءِ آماچ لکھاں کشمیری ءَ را ریلیف ملیت۔آہاں گوشت کہ یک سروے ءِ ردا جبری گمشدگی، ماورائے عدالت قتل ءُُ کوش،پیلیٹ گنءِ کاررمزی ءُُ مزنیں کچ ءَ کشمیری زالبولءِ بے حرمتی ءَ چہ زوربرتگیں کشمیر ءِ تہ کم ءُُ گیش 45درسد مردم ذہنی نادراہی ءِ آماچ بوتگ ات۔
