اسلام آباد۔24 اگست (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری فردوس عاشق اعوانءَ گوشت کہ حکومت ءِ نیمگا چہ الیکشن کمیشن سندھ ءُُ بلوچستان ءَ چہ دونوکیں باسکانی تعیناتی آئین ءِ راھبندانی ردا کنگ بوتگ۔آئین ءِ ردا چیف الیکشن کمشنر ءِ کرءَ اے باسکاں چہ سوگند مہ گرگ ءِ واک نیست انت۔ھپتگ ءَ وتی ٹویٹ ءِ تہ ڈاکٹر فردوس عاشق اعوان ءَ گوشت کہ آئین ءِ ردا چیف الیکشن کمشنر ءِ کر ءَ باسکاں چہ سوگند مہ گرگ ءِ واک نیست انت۔آہاں گوشت کہ سرجمیں ملک چہ دراھیں بار ایسوسی ایشنز ءُُ کونسلز ءَ ھم اے آرڈرز ءِ پلہ مرزی کتگ۔پدر بہ بیت کہ چیف الیکشن کمشنر ءِ نیمگا چہ صدارتی پرمان ءُُ پارلیمنٹ ءِ نوٹیفکیشن ءَ را نذر انداز کنگ ءِ پدا صدر سپریم کورٹ بار امان اللہ کنرانی ءُُ دگہ وکیلانی گلانی راھشون ءَ چیف الیکشن کمشنر ءِ اے گام ءَ را آئین ءِ ھلاپ گوشتگ ءُُ چیف الیکشن کمشنر ءِ ھلاپ ریفرنس جم کت کن ایت، اگہ حکومت ءَ اے آئینی واک کارمرز نہ کتگ تو سندھ ءُُ بلوچستان ءِ وکیل 27اگست ءَ ازخود ریفرنس ءِ دزبندی جم کن انت۔
