اسلام آباد۔24 اگست (اے پی پی) سپیکر قومی اسمبلی اسد قیصر ءَ ایرانی پارلیمنٹ ءِ تہ کشمیری عوام سرا بھارتی زلم ءُُ زوراکی ءِ ھلاپ ءَ منگ نامہ ءِ منظوری ءِ سرا منت گپتگ ات ءُُ گوشت کہ ایران ءِ پارلیمان ءِ نیمگا چہ کشمیر ی راج ءِ حق ءَ منگ نامہ ءِ منظوری وشیں گپ انت،آہاں گوشت کہ ایران ءِ مجلس شوریٰ ءِ تہ کشمیر ءِ مہلوک ءَ گوں یکوئی ءِ ھاترا من اتکگیں منگ نامہ کشمیری مہلوک ءَ گوں جہلانکیں سیادی ءِ درشان انت۔ قومی اسمبلی سیکرٹریٹ میڈیا ونگ چہ شنگ بیان ءِ ردا اے منگ نامہ سپیکر قومی اسمبلی ءِ ایرانی سپیکر ڈاکٹر علی لاریجانی ءِ گوما ٹیلیفونک رابطہ ءِ آسرءَ منظور کنگ بوتگ۔سپیکر ءَ وتی ایرانی ہمکارءَ گوں ٹیلی فون ءِ سرا رھوت کنان ءَ کشمیر ءِ مہلوک ءِ سرا کتگیں زلم ءُُ زوراکی ءَ چہ سرپدکنان ءَ ایشانی توار برز کنگ ءِ ھاترا گوشتگ ات۔اسد قیصر ءَ گوشت کہ دیگر دوسر ملک ھم ایرانی مجلس شوریٰ ءِ وڈ ءَ وتی پارلیمان ءِ تہ کشمیر ءِ نگیگیں جاورھال ءِ سرا توار ءَ برز کن انت۔ایشانی گوشگ ات کہ میاں اوستمانی براھندگی کشمیری مہلوک ءِ سرا کتگیں زلم ءُُ زوراکی ءِ نوٹس ءَ گپت ءُُ اے جیڈھ ءِ حل ءِ ھاترا وتی کرد ءَ ادا کن انت۔آہاں گوشت کہ زوربرتگیں کشمیر ءِ تہ سرجمیں کرفیوءِ نفاذ ءُُ مواصلاتی نظام ءِ بندش اپسوز ناک انت۔آہاں گوشت کہ کشمیری مسلماناں را مذہبی فرضانی سرجمی ءَ چہ دارگ بنیادی حقانی ھلاپ ورزی انت۔آہاں گوشت کہ مسئلہ کشمیر ءَ را اقوام متحدہ ءِ سلامتی کونسل ءِ قرادادءِ ردا حل کنگ جنوبی ایشیاء ءِ امن ءُُ ایمنی ءِ ھاترا الم انت۔
