اسلام آباد۔24 اگست (اے پی پی)آزات جموں ءُُ کشمیر ءِ صدر سردار مسعود خان ءَ گوشت کہ مہ بھارتی مزن وزیر نریندر مودی ءِ منت وارانت کہ آہی ءِ ردیں حرکت کنان ءَ نہ ایوکا کشمیر ءِ جیڈھ ءَ دگنیا ءِ دلگوشی ءِ بنجل جوڈ کتگ بلکہ سرجمیں پاکستانی ءُُ کشمیری راج ءَ یکجاھ کتگ۔مودی ءِ گل ءُُ ایشی ءِ سیاسی اتحادی ہما راہ ءَ چلگ انت آں بھارت ءِ مسلمان ءُُ دومی اقلیتاں ءَ را یکجاھ کن ایت ءُُ یک وھدے کاائیت وھدیکہ کشمیر ءِ تہ بھارت ءِ نام زورکیں کسے نہ بچ ایت،۔ اسلام آباد ءِ تہ ماڑی پٹرولیم کمپنی ءِ چیردستی کشمیر یکجہتی روانک ءَ گوں تران کنان ءَ صدر آزات کشمیر ءَ گوشت کہ مودی حکومت ءَ زلم ءُُ زوراکی ءُُ ناشرکاری ءِ تہ نازی جرمنی ءَ را ھم پشت ءَ کرتگ ءُُ سرجمیں زوربرتگیں کشمیر ءَ را گیس چیمبر ءَ بدل کتگ بلے مودی ءَ را ہٹلر ءُُ ایشی ءِ نازی گل ءِ انجام ءَ چہ سبق ہیل کنگ بیت۔مراگش ءَ چہ آزات کشمیر ءِ پیسریگیں وزیر فرزانہ یعقوب، سکھ کمیونٹی ءِ سروک سردار پرتاپ سنگھ، بشپ ندیم کامران، شان شاہد ءُُ دگہ مہمانءَ تران کتگ وھدیکہ ماڑی پٹرولیم کمپنی ءِ منیجنگ ڈائریکٹر لیفٹیننٹ جنرل (ر) اشفاق ندیم احمد، جنرل منیجر (ایڈمن) بریگیڈیئر شہریار خان، جنرل منیجر بریگیڈیئر غفار ھم اے درگت ءَ ساڑی اتنت۔
