اسلام آباد ۔ 23 اگست (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ اھوالکار ی ڈل آنی کشمیر ءِ مردم آنی گوما یکوئی درشان کنگ ءِ واستہ کشتگیں ریلی ءَ چہ میاں اوستمانی برات آنی ’’ضمیر‘‘ ءِ واب ءَ چہ پاد کنگ ءِ واستہ کمک رسیت، مودی ءَ را مکن کناں کہ تئی دروگیں بیان آنی اچ گوشدارگ نہ بیت، مقبوضہ کشمیر ءَ مسلمان آنی نیک راھی آزاتی ھم پُلگ بوتگ، مودی گوشدار تئی لگت مالی آنی کسو راجدپتر ءَ تئی توسیپ ءِ واستہ نکش کنگ بوتگ اَنت ایش مدام نمیران بنت، پاکستان ءِ چُک چُک کشمیری آنی گوما ھمگام ءَ اوشتاتگ، پاکستان ءُُ کشمیر یک ءِ دومی ءِ واستہ المی اَنت ۔ مزن وزیر عمران خان کشمیری آنی ترجمان انت ءُُ میاں اوستمانی تک ءَ کشمیر ءِ کیس ءَ لڑگ ءَ آں ۔ اھوالکارانی اے ریلی اقوام ءِ متحدہ ءِ واستہ یک کلوہ ات کہ پاکستان ءِ ھمک تبک ءِ مردم کشمیری آنی گوما ھمگام ءَ اوشتاتگ، مئے کشمیری آنی گوما ھون ءِ سیادی انت، کشمیر ءِ ڈکھ، گم ءُُ اندوھ آناں سما کنگ ءَ آں ۔
