راولپنڈی ۔ 23 اگست (اے پی پی) بنجاھی وزیر برائے ریلوے شیخ رشید احمد ءَ گوشت کہ مزن وزیر عمران خان ءُُ سر وزیر بلوچستان پنجاپ ءِ منت وار آں کہ آئی ءِ وژن ءِ رد ءَ جنکیں زھگ آنی واستہ دومی مزن شاہ دربر جاہ ءِ جوڑیشت، راولپنڈی ءَ زانشت ءِ کساس ءِ رد ءَ اولی نمبر ءِ سر ءَ انت، آ چاگرد مدام دیمروئی کنت ھمودا کہ مات وانندگ بہ بنت، مرچی راولپنڈی ءَ زالبول ھم وانگ ءِ پڑ ءَ اولی نمبر ءِ سر ءَ انت، یک سال ءُُ نیم ءِ اندر ءَ شہر ءَ سیمی انفارمیشن ٹیکنالوجی ءِ یونیورسٹی ءِ جوڑیشت کنگ بیت وھدیکہ سئے نوکیں کالج ھم جوڑ کنگ بیت ۔ اے ھیالانی درشانی آئی ءَ گوستگیں روچ ءَ کالج برائے زالبول سکستھ روڈ ءِ تر ءُُ تاب ءِ ساھت ءَ کنان ءَ کت ۔ اے موہ ءِ سر ءَ آئی ءَ گوشت کہ وھد ءِ نریندر مودی ءِ وڑیں مردم سروکی کن اَنت گڈا ردئیں پیسلہ بیت، مودی ءِ اے پیسلہ آنی سبب ءَ پیسریگیں منوگری بے سر ءُُ پاد بوتگ اَنت بلے بھارت ھرچی بکنت کشمیری کامیات بنت ۔ آئی ءَ گوشت کہ بھارت ءِ ھلاپ ءَ یک انچیں جاک ءِ کناں کہ دوئیں نیمگ ءَ کشمیری آنی نیمگ ءَ چہ بیت ءُُ زوت کشمیر ءِ جتا جتائیں دمگ آنی تر ءُُ تاب ءَ رواں ۔
