اسلام آباد ۔ 23اگست(اے پی پی ) مزن وزیر عمران خانءَ جرمنی ءِ چانسلر ڈاکٹر انجیلامرکل ءَ گوں ٹیلیفون ءِ سرءَ گپ ء ُتران کتگء ُ مقبوضہ جموں ء ُکشمیر ءَ بھارت ءِ گیر قانودی گامگیجءَ چہ ودی بوتگیں جاورھالانی سرءَ حیالء ُ لیکہ ءِ درشانی کتگ ۔ مزن وزیرءَ آئیءَ را ھال داتگ کہ بھارتی گامگیج اقوام متحدہ ءِ سلامتی کونسل ءِ تپاک نامہ ، میاں اوستمانی قانود ءِ حلاپ ورزی اِنت ۔ آئیءَ گشتگ کہ بھارتی مقبوضہ جموں ء ُکشمیر ءَ انسانی حقانی ناگیگیں جاورھالاں ہوار سرج میں لاک ڈاءون ، حال رسانکی نظامءِ بند کنگ ء ُ وردن ء ُوراک ء ُ دواء ُ درمان ءِ کمی ءَ چہ ودی بوتگیں جاورھالاں چہ سرپد کتگ ۔ مزن وزیر عمران خانءَ اے گپءِ سرءَ زور پِرداتگ کہ بھارتی گامگیج ءَ چہ خطہ ءِ امنء ُایمنی ء ُسلامتی ھترہ ءِ تہءَ اِنت ء ُمیاں اوستمانی براتی ءَ را لوٹ ایت کہ آ وتی کردءَ پیلو بہ کنت ۔ اے موہءَ جرمن چانلسر انجیلا مرکل ءَ گشتگ کہ جرمنی اے جاورھالانی سرءَ چارء ُتپاس کنگءَ اِنت ۔ آئیءَ اے جیڑہ ء َ را امنء ُایمنی ءَ گوں گیشء ُ گیوار کنگءِ سرء َ زور پِرداتگ ۔ دوئیں راہشوناں خطہ ءِ تہءَ امنء ُ ایمنی ء ُمھکمی ءِ ھاترءَ یکجاہ کار کنگءِ سرءَ تپاک کتگ ۔
