اسلام آباد ۔ 23 اگست (اے پی پی) وزیراعظم عمران خان تون بنجائی وزیر بحری امور سید علی حیدر زیدی جمعہ نادے آ داڑے وزیراعظم آفس اٹی اوڑدہی کرے ۔ وزیر بحری امور وزیراعظم ءِ کلین کراچی مہم نا رداٹ قائد نا شاراٹی سفائی ستھرائی نا بابت مروک آ پیش رفت آ سرجم بریفنگ تس ۔ وزیراعظم کراچی کون آ بھلا و اہم انگا شار اٹی کچرہ غاتے کن گاربیج ٹرانسفر اسٹیشن تا کم کچ انا نوٹس ءِ ہلسا اوفتا کچ ءِ اسہ مربوط حکمت عملی سے نا رداٹ ودفنگ و کچرہ تے جوان ءُ وڑاسے اٹ ٹھکانہ خلنگ ءِ المی کننگ نا پارت کرے ۔ وزیراعظم پارے کہ کراچی ملک انا اقتصادی مرکز ءِ، مستین نا بدانتظامی قائد نا شار انا روایتی زیبائی ءِ بھس کرے و کراچی نا رہینگوک آتا زند ءِ یند کرینے، داحالیت آتا پورو تدارک المی ءِ ۔ اوکراچی آن گچین مروک آ پاکستان تحریک انصاف نا باسک قومی و صوبائی اسمبلی ءِ ہم مہم اٹی زیات آن زیات بشخ ہلنگ نا پارت کرے ۔
