جہانی برادری ءِ خبڑ دار کننگ اُن بھارت مقبوضہ کشمیر اٹی بھلو کچ اسے آ انسانی حق انا سنگین خلاف ورزی آن جہانی چکار ءِ اسہ کنڈ کننگ کن جعلی فلیگ آپریشن کننگ کیک، وزیراعظم عمران خان نا ٹویٹ

اسلام آباد ۔ 23 اگست (اے پی پی) وزیراعظم عمران خان جہانی برادری ءِ خبڑدار کرینے کہ بھارت مقبوضہ کشمیر اٹی بھلو کچ اسے آ انسانی حق انا سنگین خلاف ورزی تیان جہانی چکار ءِ اسہ کنڈ کننگ کن جعلی فلیگ آپریشن کننگ کیک ۔ جمعہ نادے آ تینا اسہ ٹویٹ اسے ٹی وزیراعظم پارے کہ بھارتی میڈیا نا دا دعویٰ مون آ بسنے کہ اوغانستان آن دہشت گرد آک مقبوضہ کشمیر اٹی کارروائی کن پترینگانو ۔ بھارتی دعویٰ نا رداٹ گڑاس دہشت گرد بھارت نا سویلی علاقہ غاتے ٹی ہم پترینگانو ۔ وزیراعظم پارے کہ بھارتی سرکڑدہ غاتا کنڈآن مقبوضہ کشمیر اٹی کشت وخون و نسل کشی نا تینا ایجنڈا آن جہانی برادری نا چکار ءِ اسہ کنڈ کننگ کن داوڑنا دعواک گمانی ئسر ۔ جہانی برادری ءِ خبڑدار کینہ کہ بھارت دا دعویٰ تا بنداو آ جعلی فلیگ آپریشن اسے نا کوشست ءِ کننگ کیک ۔