اسلام آباد ۔ 23 اگست (اے پی پی) صدر مملکت ڈاکٹر عارف علوی قومی اسمبلی نا ارٹ میکو پارلیمانی سال انا بنانا وخت آ پارلیمنٹ نا ہڑتوم آ ایوان تا اسیجائی دیوان آن جمعہ نادے 30 اگست آ تران کیک ۔ صدر مملکت بیگہ نا 5بجہ غا تران کیک ۔ قومی اسمبلی سیکرٹریٹ نا ذراءع نا رداٹ صدر مملکت نا تران نا وخت آ غٹ بست و بند آتے حتمی دروشم اس تننگ انگ ءِ ۔ داوخت آ سخت ترین رکھی گام گیج کننگک ۔ قومی اسمبلی سیکرٹریٹ اٹی سلہہ بند فوج انا سروک ، سفارتکار ، آئینی ادارہ غاتا سروک آتون اوار اہم شخصیت آتے پارلیمنٹ نا اسیجائی دیوان نا وخت آ بٹنگ انگ کن سلہ نامہ غاتا جاری کننگ بناکرینے ۔
