APP18-23 ISLAMABAD: August 23 – President Dr. Arif Alvi talking to a delegation of Islamabad Chamber of Commerce & Industry, who called on him at the Aiwan-e-Sadr. APP

حکومتی گام گیج آتا سوب کاروباری بشخ اٹی تدوک آ سال انا نسبت نمان گچینی خننگانے

اسلام آباد ۔ 23 اگست (اے پی پی) صدر مملکت ڈاکٹر عارف علوی ملک انا شونداری ٹی کاروباری برادری نا کڑد انا ستاءِ کرسا پارینے کہ حکومت کاروبار اٹی آسانی ودی کننگ کن ہروڑنا گام گیج چست کننگ ءِ ہرافتا سوب تدوک آ سال انا نسبت نمان گچینی خننگانے ۔ اوداہیت ءِ اسلام آباد چیمبر آف کامرس اینڈ انڈسٹری نا ڈل اتون گپ و تران کرسا پارے ہرا صدر احمد حسن مغل نا کماشی ٹی جمعہ نادے آ ایوان صدرا ٹی صدر مملکت تون اوڑدہی کریر ۔ صدر اسلام آباد چیمبر آف کامرس نا ستاءِ کرے ہرا پاکستان اٹی اولیکو چیمبر ءِ ہرایوتھ ڈویلپمنٹ و کاروبار ءِ مون آ دننگ کن گام گیج چست کرے ۔ داڑے دا ہیت ذکر انا قابل ءِ کہ اسلام آباد چیمبرآف کامرس اینڈ انڈسٹری 26اگست 1984ء آ جوڑ مس ۔ دا بنجائی دارالحکومت نا علاقہ ٹی واپار و کاروباری سرجزآتے مون آ دننگ کن پوریاگر و کاروباری بندغ آتے کن کمکار ءُ فورم اسے ۔ ورناتے کاروبار نا ترغیب تننگ نا بابت ینگ انٹرپرینیور فورم ءِ ہم جوڑ کننگانے تانکہ ورناک کاروبار نا دنیا ٹی مون آ ہنسا تینا جوان کڑد ءِ ادا کننگ کیر و قومی معیشت نا شونداری کن تینا مثبت کڑد ءِ جوانی اٹ انجام تننگ کیر ۔

متعلقہ مضامینمصنف کی طرف سے مزید