اسلام آباد ۔ 23 اگست (اے پی پی) چیئرمین سینیٹ محمد صادق سنجرانی پارینے کہ کشمیر آ پاکستان و چین نا موقف اسہ وڑءِ و بھارت ءِ ہچ ءُ وڑاسے ٹی ڈیہہ نا تھانیدار مننگ کن الیپنہ، مقبوضہ کشمیر اٹی بھارتی جارحیت و کشمیر نا حیثیت ءِ بدل کننگ نا مچ آ دنیا مذمت ءِ کننگ ءِ ۔ داخیال آتا درشانی ءِ او پارلیمنٹ ہاءوس اٹی چین نا سفیر یاءو جنگ اتون اوڑدہی ٹی کرے ۔ اوڑدہی ٹی کشمیر تون اوار ڈیہہ نا ساڑی حالیت و ہڑتوم آ کنڈآتا معاملہ غاتیا سرجم گپ و تران کننگا ۔ چیئرمین سینیٹ پارے کہ پاکستان و چین نا تعلقداری تاریخ نا ہرآزمائش آ پورو سلیسونو و ہڑتوم آ ملک آک ہمیشہ اسہ ایلو نا موقف نا تائید ءِ کرینو ، ہڑتوم آ ملک آتا نیام اٹ شونداری و اقتصادی شریداری ایشیاءِ دنیا ٹی جتا ءُ ہند اس فراوان کیک ۔
