ستمبر اٹی ٹوکیو ٹی مروک آ توانائی کانفرنس اٹی بشخ ہلنگ کن اودے سلہ خلک

اسلام آباد ۔ 23 اگست (اے پی پی) جاپانی سفیر نا کماشی ٹی ڈپٹی کمشنر توانائی جاپان پٹرولیم ڈویژن اٹی وزیراعظم نا خصوصی کمکار پٹرولیم ندیم بابر تون اوڑدہی کرے و اودے ستمبر اٹی ٹوکیو ٹی مروک آ توانائی کانفرنس اٹی بشخ ہلنگ نا سلہ خلک ۔ کانفرنس نا مسخت توانائی نا بشخ اٹی تکنیکی شونداری ءِ مون آ دننگ و توانائی نا بارواٹی جہانی پالیسی کمکاری ءِ مون آ دننگ ناءِ ۔ ڈل خصوصی کمکار ءِ کاربن ری سائیکلنگ ٹیکنالوجی تیٹی جاپانی پٹ وپول و کاربن نا اخراج ءِ کم کننگ کن جاپان نا کوشست آتیان معلومدار کرے ۔ خصوصی کمکار ندیم بابر توانائی نا بشخ اٹی تربیت و استعداد کاری نا پروگرام اٹی پاکستان نا کمک ءِ کننگ نا حکومت جاپان نا منت واری ءِ ہرفے ۔ ندیم بابر کاربن ری سائیکلنگ ، و کاربن کیپچرنگ سپلائی چین نا بارواٹی دریافت کرے ۔ اوجاپان نا کنڈآن ہائیڈروجن توانائی نا پیدوارنا ذراءع و ترسیل نا پٹ وپول ، واپاری اطلاق آ کروک آ کوشست آتا ستاءِ کرے ۔ اوجاپان نا کنڈآن ستمبر 2019ء ٹی جاپان اٹی مروک آ توانائی نا بابت وزارتی کہول نا کانفرنس اٹی بشخ ہلنگ نا سلہ خلنگ آ جاپانی ڈل انا منت واری ءِ ہرفے و داٹی بشخ ہلنگ نا اومیت ظاہر کرے ۔

متعلقہ مضامینمصنف کی طرف سے مزید