اسلام آباد ۔ 23 اگست (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ کشمیریک ہمیشہ تینا جنگ ءِ تینٹ کرینو و پاکستان ہمیشہ داجنگ اٹی کشمیر تون سلوک مسنے ۔ داوخت آ اِرا ایٹمی طاقت اسہ ایلو نا خن تیٹی خن تے خلسا سلوک ءُ، نن امن کن سلوک اُن ، نن امن پسند خلقت اُن ولے امن ذلت تون مسلط مفک بلکن بریبری اتون مریک و بھارت و بھارتی وزیراعظم نریندر مودی اخس زوت داہیت ءِ پہہ مرے ہموخس ہی داڈیہہ کن جوان ءِ، کشمیر آ ثالثی نا بابت امریکہ نا کڑد مثبت ءِ ، مقبوضہ کشمیر آ ہرا خلقت بھارتی حکومت نا بیانیہ نا مخ تفی ءِ کریرہ او ہم اونا برخلاف ءُ ۔ نجی ٹی وی نا اسہ پروگرام اسے ٹی گپ و تران کرسا چوہدری فواد حسین آن سوج کننگاکہ مقبوضہ کشمیر اٹی 23اگست آ مروک آ پبی برانز و پاکستان نا کوشست آتیان انت جہانی ضمیر بش مسنے ہراڑا اونا پاننگ ئس کہ مقبوضہ کشمیر نا غٹ خلقت آن خواست کننگ خواوہ کہ او بھلو کچ اسے ٹی پیشن پیش تمر ، اوفتیا ہرا ہرا جبری حکومت، فاشزم مسلط، ظلم و قیدوبند نا ہرا دور ءِ مسلط کننگانے اودے مسترد کیر ۔ کشمیری بھلو کچ اسے ٹی تینا آجوئی نا حق اکن پیشن پیش تمر تینا جنگ آتے تینٹ کروئی تمک و کشمیریک ہمیشہ تینا جنگ ءِ تینٹ کرینو وپاکستان ہمیشہ داجنگ اٹی اوفتے تون سلوک مسنے ۔
