اسلام آباد ۔ 23 اگست (اے پی پی) فیصل مسجد اٹی جمعہ نادے آ کشمیر کن خصوصی دعا کننگا ۔ دعا صدر جہانی اسلامی یونیورسٹی ڈاکٹر احمد یوسف الدریویش کرفے ۔ کشمیر تا مصیب آتا چٹفنگ و اوفتا حق انا دوئی کننگ کن دعا کننگانے جاڑ انگا شار تا بندغ آتا بھلو کچ اس دعاٹی بشخ ہلکر ۔ داوخت آ ڈاکٹر الدریویش پارے کہ کشمیر نا ویل مچ آ امت مسلمہ نا چکار نا متقاضی ءِ ۔ اوپارے کہ کشمیری تا پدریسہ جہد و خدا آ یخین نا مثال دنیا ٹی پین ہچءُ جاگہ اس ملیپک ۔ صدر اسلامی یونیورسٹی جامعہ غاتیا زور شاغا کہ او کشمیر نا ویل انا سرحال آ کانفرنس و سیمینار اڈ ایتر ۔ دعا ٹی اسلامی یونیورسٹی نا بڑزکو عہدیدار آتون اوار استاد و طالب علم آک ہم ساڑی ئسر ۔
