کوءٹہ ۔ 23 اگست (اے پی پی) ناظم اعلیٰ جنگلات و جنگلی حیات بلوچستان عبدالجبار پارینے کہ درخت قدرتی زیبائی نا ذریعہ ءِ زمیندار و شاریک درخت خلنگ نا مہم اٹی پبی بشخ ہلیر درخت فضاء آن کچٹی ءِ چٹفک، وزیراعظم نا کلہوءِ کہ ہر بشر اِرا شجر نا کلہو ءِ عام کین، سونامی ٹری مہم اٹی ہر شاری کم از کم اِرا درخت ضرور خلے محکمہ جنگلات صوبہ ٹی گرین انقلاب اس اتنگ کن گچین گام گیج کننگ ءِ، داخیال آتا درشانی ءِ او پشین نا دورہ نا وخت آ میڈیا نا نمائندہ غاتون خصوصی گپ و تران کرسا کرے، داوخت آ نائب ناظم جنگلات کوءٹہ ڈویژن نیاز محمد کاکڑ ، نائب ناظم جنگلات رینج مینجمنٹ سید ناصر شاہ مہتمم جنگلات سید نادرشاہ ئسک ہم ساڑی ئسر ۔ ڈسٹرکٹ جنگلات آفیسر پشین اجمل خان کاکڑ نرسری و محکمہ جنگلات ضلع پشین نا کارکڑدگی نا بابت آفیسر آتے سرجم بریفنگ ترسا پارے کہ پشین بازار آن کیڈیٹ کالج روڈ سرانان روڈ بند خوشدل خان آ ہزار آتا حساب اٹ درخت خلنگک ، داوخت آ ناظم اعلیٰ جنگلات عبدالجبار کیڈٹ کالج روڈ آ نیال اس خلسا روڈ ساءٹ نا پلانٹیشن نا بناءِ کرسا پارے کہ شجرکاری مہم نئے بیرہ جنگلات آتا اہم انگا کڑد اٹی مزل نا نشان نا حیثیت تخک بلکن درخت آتیان موسمی بدلی نا منفی زہم تے ہم چٹفنگ اٹ کمک گرج داہیت انا ءِ کہ ننے پوسکن دسوک آ نیال آتا پورو خیالداری ءِ کروئی مریک ، اوپارے کہ 10 ملین سونامی ٹری نا مہم اٹی شاریک بشخ ہلیر درخت خلنگ ننا قومی فرض ءِ ولے داکان زیات اہم کاریم اوفتا خیالداری ءِ تانکہ دا پورو وڑاٹ نشونما ہلسا علاقہ نا زیبائی ٹی ودکی نا سوب مریر سول سوساءٹی و الس آن خواست ءِ کہ او شجر کاری مہم اٹی زیات آن زیات بشخ ہلیر و جنگلات آتا رکھ و شونداری ٹی تینا قومی و جہانی فرض ءِ پورو کیر، کرہ ارض آ مالیاتی بے بریبری نا اسہ بھلا سوب جنگلات آتا ترندی اٹ کم مننگ نا ءِ ہنداخاطران دا قومی و انسانی زمواری ءِ کہ انسانی زند ءِ مون تروک گڑتی تے کم کننگ کن شجر کاری آ پبی چکار کین، اوپارے کہ الس آن خواست ءِ کہ او شجر کاری مہم اٹی زیات آن زیات بشخ ہلیر و داڑتون اوار خلوک آ نیال آتا رکھ ءِ المی کیر ۔
