کوءٹہ ۔ 23اگست (اے پی پی) مسکوہی صوبائی وزیر میر طارق محمود کھیتران پارینے کہ بھارت مقبوضہ کشمیر اٹی کرفیو خلسا انسانیت دشمنی نا شاہدی ءِ تسنے ۔ بھارت ءِ کشمیر نا حیثیت ءِ بدل کننگ نا ہچ ءُ حق اس اف ، کشمیری الس ءِ تینا آخبت نا فیصلہ ءِ کننگ نا حق ءِ ۔ مقبوضہ کشمیر نا الس نا عظیم الشان جہد و جانی و مالی قربانی تے سلام پیش کینہ ۔ داخیال آتا درشانی ءِ او صحافی تتون گپ و تران کرسا کرے ۔ مسکوہی صوبائی وزیر و حلقہ این اے 259 نا اومیتدار میر طارق محمود کھیتران پارے کہ بھارت کشمیر آ زبردستی کوزہ نا کمک اٹ کشمیری الس نا حق آتے پامال کرسا بے گناہ کشمیری الس آ ظلم و جبر ءِ برجاتخانے بھارت ریاستی جبر و تشدد نا کمک اٹ زیات ہرے اسکان کشمیری تے اوفتا بنداوی حق آن محروم کننگ کپک بھارت مقبوضہ کشمیر اٹی ظلم انا پوسکن ءُ وڑاس کننگ ءِ ۔ بلوچستان نا الس و قبیلہ غاتا اخلاقی و سفارتی مخ تفی کشمیری تے دروہم دوئی ئس و پین وخت اس ہم مریک ۔ اوپارے کہ پاک فوج تینا جان تا نذرانہ ءِ ترسا نئے بیرہ مچ آ دنیا نا دہشت گردی ءِ شکست تس بلکن ملکی دفاع و قربانی کن اسہ عظیم ءُ مثال اس قائم کرے ۔ کشمیری الس تینا جہد اٹ تنیا افس بلکن بلوچستان نا الس اوفتے تون سلوک ءِ ۔ کشمیری الس حق خودارادیت نا دوئی کن مصائب و آلام برداشت کرسا لازوال قربانی تننگ ءُ ۔ میر طارق محمود کھیتران پارے کہ پاکستانی الس و کشمیری تا است اسہ ایلو تون اوار دھڑکرہ نن بحیثیت قوم کشمیری تا پبی اخلاقی ، سیاسی و سفارتی مخ تفی ءِ برجاتخنہ نن مظلوم کشمیری تیا بھارت نا ودوک آ ریاستی جبر و انسانی حق آتا خلاف ورزی نا ترندی اٹ مذمت ءِ کینہ و نن دعاک و اخلاقی مخ تفی اوفتے تون ءِ زوت کشمیر اٹی آجوئی نادے دے ٹک ایتک ۔
