کوءٹہ ۔ 22 اگست (اے پی پی) ترجمان حکومت بلوچستان لیاقت شاہوانی پارینے کہ بلوچستان دنیا نا نقشہ غا اسہ جنت اسے ہرادے اللہ تعالیٰ بھلو کرک، چار موسم ، معدنیات آن ہمپوک ڈغار و مثالی رسم و رواج تسنے ۔ وزیراعلیٰ بلوچستان جام کمال خان نا کوشست و احساس زمواری اٹ صوبہ داسہ شونداری نا کسر آ روان مسنے، تعلیم و جان جوڑی نا گچینی تون انفراسٹرکچر نا گچینی کن ہم چندی ڈٹ آتیا کاریم برجاءِ، بنجائی حکومت بنجائی پی ایس ڈی پی ٹی اوار ڈٹ آتیا پیش رفت نا بابت صوبائی کہول آ ہرا کمیٹی ءِ جوڑ کرینے اوڑان ڈٹ آتے کن فنڈ آتا وخت آ جاری کننگ آب اٹی گچینی و ڈٹ آتا وخت آ پوروی ممکن مننگ کیک و السی فنڈ آتا سہی کاریم اٹ اتنگ المی مننگ کیک ۔ ترجمان صوبائی حکومت نا پین پاننگ ءِ کہ شونداری ڈٹ آتا پوروی آن الس مثبت بدلی محسوس کیک ہراڑان اوفتا معاشی و معاشرتی زند آ جوان ءُ زہم اس تمک، نن السءِ باوری کرفنہ کہ نن تینا زمواری تا احساس ءِ کرسا بلوچستان نا وقار ءِ بڑز کینہ انتئے کہ ننے معلوم ءِ کہ زمواری نا احساس ہی سرسہبی نا اولیکو شڑت ءِ ۔
