اسلام آباد ۔ 22 اگست (اے پی پی) مزن وزیر ءِ مشیر برائے ھزانگ ءُُ امبار ڈاکٹر عبدالحفیظ شیخ ءَ گوشت کہ ادارگ آنی کار ءُُ اقتصادی برجائی ءِ واستہ پاکستان گروتھ ءِ پروگرام آنی سر ءَ کار ءَ انت ۔ ورلڈ بنک ءِ کنٹری ڈائریکٹر پیچا موتھوایلن گوان ءَ گوں ترادن کنان ءَ مشیر ءِ ھزانگ ءَ گوشت کہ معیشت ءِ جتا جتائیں شوبگ آنی تہ ءَ جتا جتائیں ھد ءُ ابیل آنی در جنگ ءِ واستہ ورلڈ بینک ءِ مالی کمک سک باز ارزشتی انت ۔ ورلڈ بینک ءِ کنٹری ڈائریکٹر پیچا موتھوایلن گوان آئی ءَ وتی ٹیمب ءِ ھمبراھی ءَ مشیر ءِ ھزانگ ءَ گوں گند ءُُ نند کت ءُُ آئی ءَ را ورلڈ بینک ءِ صڈر ڈیوڈ ملپاس ءِ نومبر ءِ اولی ھپتگ ءَ پاکستان ءِ تر ءُُ تاب ءِ بابت ءَ سئیگ کت ۔ آئی ءَ پاکستان ءِ ادارگ آنی تہ ءَ نوکیں گامگیج ءُُ حکومت ءِ گروتھ ایجنڈا آنی گوما کمک ءِ واستہ یکجا بوھگ ءُُ کار کنگ ءِ ورلڈ بینک ءِ انتظامیہ ءِ جوانیں جزمی کلوہ ءَ را پجارینت ۔ آئی ءَ گیش تران کت ءُُ گوشت کہ اے رد ءَ لوٹ بوتگیں تکنیکی یا مالی کمک پجارین ایت ۔ پیچاموتھو ایلن گوان ءَ مشیر ءِ ھزانگ ءَ را گوشت کہ ورلڈ بینک پالیشی ءِ کوکا ءُُ لس ضلورت آنی رد ءَ کجام ھم مالی انتظامی ءِ سر ءَ کار کت کنت چیا کہ بینک معیشت ءِ جتا جتائیں شوبگ آنی تہ ءَ حکومت ءِ پاکستان ءِ کتگیں ادارگی کار سک باز ارزشتی انت ۔
