سیالکوٹ انٹرنیشنل بالی پٹ آ حاجی تا پدی بننگ نا چرجوئی بناکرے

سیالکوٹ ۔ 22 اگست (اے پی پی) جدہ آن پی آئی اے نا اولیکو جہاز پی کے ۔ 360746، حاجی تے ہرفسا سیالکوٹ انٹرنیشنل ایئر پورٹ آ سرمس ۔ حاجی تے بخیر انچارج حج آپریشن سیالکوٹ وزارت مذہبی امور مجیب اکبر شاہ، ڈپٹی ڈائریکٹر محکمہ اوقاف پنجاب عبدالحمید چوہدری، کوارڈنیٹر حج سیالکوٹ رانا طارق شوکت، صدر سیالکوٹ چیمبر آف کامرس اینڈ انڈسٹری خواجہ مسعود، منیجر پبلک ریلیشن سیالکوٹ انٹرنیشنل ایئر پورٹ عبدالشکور مرزا تون اوار سیالکوٹ انٹرنیشنل ایئر پورٹ انتظامیہ نا عہدیدار آک کریر ۔ داوخت آ انچارج حج آپریشن سیالکوٹ مجیب اکبر شاہ اے پی پی تون ہیت کرسا پارے کہ داسال حکومت پاکستان حاجی تے گچین آسراتی فراوان کرینے ۔ سوا4لکھ انا حج پیکج اٹی حاجی تیکن دونیم آن مسہ لکھ اسکان نا مکتب دوئی کننگا ۔ ہنداوڑ مدینہ منورہ ٹی ہم حاجی تا رہینگ انگ کن فائیو اسٹار ہوٹل دوئی کننگا ۔ حج فلاءٹ اٹی بروک آ حاجی ہنکینی ، سفری و خور انا گچین آسراتی ملنگ آ حکومتی گام گیج آتیا است جم خننگار و گچین آسراتی ملنگ آ حکومت نا منت واری ءِ ہرفیر ۔ یات سلے کہ سیالکوٹ انٹرنیشنل ایئر پورٹ آ حاجی تا پدی بننگ نا چرجوئی 14ستمبر اسکان برجاسلک ۔