اسلام آباد ۔ 22 اگست (اے پی پی) اسلام آباد پولیس نا شہید کارندہ ثقلین و خرم تنولی نا نماز جنازہ ءِ پولیس لین ہیڈ کوارٹر اٹی خواننگا ۔ نماز جنازہ ٹی بنجائی وزیر داخلہ سید اعجاز شاہ ، آئی جی اسلام آباد محمد عامر ذوالفقار خان بشخ ہلکر وخت اس کہ اسلام آباد پولیس نا غٹ سینئر آفیسر آک، و ورناک بھلو کچ اسے ٹی ساڑی ئسر ۔ اسلام آباد پولیس نا کمامدارآتارداٹ شہید ورناتے پورو شرف اتون اوفتا باوہ پیرہ ہی آ خلق آ رادہ کننگا ۔ داوخت آ آئی جی اسلام آباد پولیس شہید ورناتا خاہوت آتے کن 60سال اسکان پورو تنخواہ و غٹ تر آسراتی تننگ نا پڑو ءِ کرے و شہید مروک آ ورناتا چناتے مفت تعلیم تننگ نا پڑو ءِ ہم کرے ۔ یات سلے کہ تدوک آ دے تھانہ سبزی منڈی نا دنگ اٹی چیک پوسٹ آ نادرست بندغ آتا سم کاری ٹی اِرا پولیس کارندہ شہید و مسٹ ٹھپی مسوسر ۔
